MATIUS 23:38 - KITTA' MATANGKASA'

³⁸ Lanri kammana minjo Nataerokamo Allata'ala anrurungangko.

MATIUS 23:38 ပူးပေါင်းရင်းမြစ်များ

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

PAMMUJI 69:24

Boli'mi kamma a'jari buta matanna ke'nanga na tuli lamma dongko'na ke'nanga.

PAMMUJI 69:25

Kitumpami pangngalarroinTa mae ri ke'nanga, boli'mi kamma nituju ke'nanga ri rinrana pangngalarroinTa.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 22:5

Mingka punna tena nuturuki parenta-parentaKu, assumpA' angkanaya anne balla' karaenga la'jari loro-loro mami le'ba' nakanre pepe'. INakke, Batara, anne akkana.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

ZAKHARIA 11:6

TaerokaMa' mangngamaseang pole manna pole mae ri nai anrinni ri pa'rasanganga. KalengKu lampassareangi sikontu pandudu'na mae ri sikamma tukoasaya. Anjo ke'nanga langngancuruki anne pa'rasanganga, nampa tena nalaKurampasa' ammotere' battu ri kakoasanna ke'nanga.”

MATIUS 24:2

Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

LUKAS 13:35

Lanri kammana tenamo Narurungangko Allata'ala! Assemmi angkanaya, appakkaramula ri kamma-kammaya anne tenamo nalanucinikKa', sa'genna nukana, ‘Nibarakkakimi Ia battua lalang arenNa Batara.’ ”

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

LUKAS 21:6

“Nia' sallang nanarapi' wattunna nalanirumbang ngaseng anjo apa nucinika; anne batu niaka anrinni manna sibatu talania'ija tassusung ri pammantanganna!”