MATIUS 23:35 - KITTA' MATANGKASA'

³⁵ Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

MATIUS 23:35 ပူးပေါင်းရင်းမြစ်များ

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

YESAYA 14:21

Lanipakaramulami pammunoanga! Ana'-ana' bura'nenu lamatei lanri dosana boe-boena ke'nanga. Tena manna sitau battu ri ke'nanga lammarenta ri lino yareka ambangung kota-kota.”

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YEREMIA 2:34

Ra'masaki pakeannu napakamma cera'na tu kasi-asia siagang tau tenaya salana, teai cera'na palukka' nijakkalaka. Mingka manna nakamma

YEREMIA 26:15

Mingka u'rangi, punna nubunoa', ikau ngaseng siagang pandudu'na anne kotaya lantanggongi kasalang pammunoanga ri tau tenaya salana. Nasaba', Batara assuroa' untu' ampabattui anjo pappakaingaka mae ri kau ngaseng.”

YEREMIA 26:23

Nampa naerang ke'nanga ammotere' anjo Uria mange ri Karaeng Yoyakim. Nampa nasuro buno karaenga anjo Uria, na napela' maya'na ri pa'jerakkang tau jaia.

YEREMIA 26:8

Tena sallo le'ba'na kupa'la'bang sikontu anjo pasanNa Batara sangkamma Naparentakanga, najakkala'ma' ke'nanga nampa ammarrang angkana, “Musti mateko!

ZAKHARIA 1:1

Ri bulang makasagantuju lalang taung makarua ammarentana Karaeng Darius ri Persia, Napabattui Batara anne pasanga mae ri nakke, Na'bi Zakharia ana'na Berekhya cucunna Ido.

PAMMILANGNGANG 35:33

Punna nugaukangi anjo kammaya, nura'massimi butta nupammantangngia. Anjo pammunoanga nara'massi pa'rasanganga; jari tena cara maraeng untu' antangkasi anjo pa'rasanganga pantaranganna angkanaya musti niallei nyawana anjo tau ammunoa.

LUKAS 11:51

Iamintu pammunoang appakkaramulaya battu ri Habel sa'genna Zakharia, le'baka kajariang ri ampi'na pakkoro'bangnganga siagang Balla'Na Batara. Patappa'mi angkanaya: Passabakkang yangaseng minjo namattantumo lanihukkunna ngaseng anne taua ri anne jammanga.

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.