MATIUS 23:13 - KITTA' MATANGKASA'

¹³ Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MATIUS 23:13 ပူးပေါင်းရင်းမြစ်များ

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”

MATIUS 23:16

Cilaka ngaseng mako ikau pamimping-pamimping butaya! Nuajari taua angkana, ‘Punna assumpa taua na Balla'Na Batara nipau, tenaja naparallu niu'rangi anjo sumpaya; mingka punna assumpai lanri bulaeng lalang ri Balla'Na Batara musti niu'rangi anjo sumpaya.’

MATIUS 23:23

Cilaka ngaseng mako ikau guru-guru agamaya siagang tu Farisia, lanri nungai assara-saraia. Assare mako passidakka mae ri Batara; wassele' lamung-lamunnu kammaya lamung-lamung nipareka pa'bumbu lisere'na, lamung-lamung nipareka bumbu yareka pa'minynya'-minynya' siagang lamung-lamung nipareka pa'balle leko'na. Yangasenna anjo nupassidakkammi bage sampulona ri Batara. Mingka kaminang parallua lalang pangatorang agamaya kammaya: Kaadelang, pangngamaseang, siagang akkana sitappaka, tena ngaseng nujampangi. Na sikontutojenna yangaseng minjo parallu nugaukang, nampa nuu'rangi todong maraenganga.

MATIUS 23:25

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Nubissai sa'genna tangkasa' bageang pantara'na mangkoka siagang piringa. Na lalanganna teai sipato' ra'masa'na napakamma apa-apa tena na hallala' siagang napakamma angngoa dudunu.

MATIUS 23:27

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Sanrapangko jera' nice' keboka; sanna' ga'gana nicini' pantaranganna; mingka lalanganna rassi buku-buku sannaka ngaseng botto'na.

MATIUS 23:29

Nakana pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia! Nuga'gai pare'na jera'na na'bi-na'bia. Siagang numode bajiki mesanna tau baji'-bajika katallassanna.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LUKAS 11:52

Cilaka ngaseng mako ikau guru-guru agamaya. Nasaba' niaki ri kau niboli' koncina pangngissenganga. Mingka kalennu tonji taeroka antama' amboyai anjo pangngissenganga. Ba'lalo, ikau ngasemmi anrompa-rompai sikamma tau eroka antama'!”

YOHANES 9:22

Nakkana kamma anjo anrong-manggena, lanri malla'na ke'nanga ri pamarentana tu Yahudia; nasaba' le'ba'mi assamaturu' ke'nanga, angkanaya inai-nai angngakui Isa angkana Iami Karaeng Mappasalama', takkulleai antama' ri balla' sambayanga.

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

LAMPA-LAMPANA 13:8

Mingka nihalangimi Barnabas siagang Saulus ri Elimas, anjo pabale'-bale' mataya. Nasaba' najagai Elimas (iaminjo arenna anjo pabale'-bale' mataya lalang bicara Yunani) gassingka a'jari tappaki anjo Guburnurka mae ri Isa.

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”

LAMPA-LAMPANA 5:40

Jari nikio'mi anjo sikamma tunisuroNa Allata'ala. Nicambo'mi nampa nipisangkai pole ke'nanga angngajara' lalang arenNa Isa. Le'baki anjo, nampami nilappassang ke'nanga.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

2 TIMOTIUS 3:8

Sangkamma Yanes siagang Yambres naewai Musa riolo, sangkamma tommi anjo ke'nanga naewai pangngajarang battua ri Allata'ala. Panra'mi pikkiranna ke'nanga, siagang kapeokammi tappa'na ke'nanga.

2 TIMOTIUS 4:15

Musti nukatutui kalennu mae ri ia, nasaba' sanna' tenana nangai anjo biritta nipabattua.