MATIUS 22:5 - KITTA' MATANGKASA'

⁵ Mingka tenaja nijampangi ri anjo tau le'baka ngaseng niburittai. Massing a'lampaji ke'nanga ri jama-jamanna – nia' a'lampa mange ri kokonna, nia' tommo a'lampa mange ri usahana;

MATIUS 22:5 ပူးပေါင်းရင်းမြစ်များ

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PA'JARIANG 25:34

Le'baki anjo nisaremi ri Yakub roti siagang sipa'gang anjo campe' ejaya. Angnganremi siagang angnginummi Esau nampa a'lampa. Kammaminjo nanabawang-bawangngang ha' bungasa'na Esau.

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MATIUS 22:4

Jari nasuromi pole pala'-palayanna maraenga anjo Karaenga. Napasammi ke'nanga angkana: ‘Pauang ngasengi anjo tau le'baka niburittai angkanaya: Tattala ngasemmi apa-apaya ri passua'-suarrang pa'buntinganna Karaenga. Sikamma sapia siagang sapi rungka kaminang bajika le'ba'mi nisuro polong. Kamma-kamma anne sadia ngasemmi. Umbamo kimange anjoreng assua'-suara' ri pa'buntinganga!’

MATIUS 22:6

ba'lalo nia' tommo anjakkalaki anjo pala'-palayanna nasuroa Karaenga, naallei naba'ji, nampa nabuno.

YOHANES 2:16

Nampa Nakana ri anjo pabalu' jangang-jangang bodobangkenga, “Angka' ngasengi a'lampa anne. Teako pareki tampa' pa'danggangang Balla'Na BapakKu!”

LAMPA-LAMPANA 2:13

Mingka nia' tommo ri ke'nanga pacau-cau, angkana, “Hah, poro nasa'ring ngasennaja anjo ke'nanga!”

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

2 TIMOTIUS 3:4

Nangai ke'nanga a'bali'ballang, tena nappikkiri' baji' siagang borroi. Lanangaiangangi ke'nanga kasannanganna linoa namannurukia ri Allata'ala.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.