MATIUS 22:46 - KITTA' MATANGKASA'

⁴⁶ Manna sitau tenamo akkulle appiali ri Isa. Na appakkaramula anjo alloa tenamo manna sitau barani akkuta'nang apa-apa mamo ri Isa.

MATIUS 22:46 ပူးပေါင်းရင်းမြစ်များ

MATIUS 21:27

Jari appialimi ke'nanga angkana, “Tanaassengai ikambe.” Jari Nakanamo Isa ri ke'nanga, “Punna kamma tena todong Kuero' ampauangko angkana inai assareA' koasa anggaukang ngasengi anjo Kugaukanga.”

MATIUS 22:45

Jari punna Daud akkio' ‘Batara’ ri anjo Karaeng Mappasalamaka antekamma lakkulle nikana sossorang battui ri Daud?”

MARKUS 12:34

Baji' sikalimi Nalangngere' Isa batena appiali anjo guru agamaya. Jari Nakanamo Isa ri ia, “A'birimmako a'jari umma'Na Allata'ala.” Le'baki anjo tenamo manna sitau barani akkuta'nang pole ri Isa.

LUKAS 13:17

A'jari siri'-siri' ngasemmi anjo musunNa Isa allangngereki pappialinNa Isa; mingka sikamma tau maraenga sannang sikali anciniki sikamma gau' appakalannasa' Nagaukanga Isa.

LUKAS 14:4

Tenamo nakkana-kana anjo guru-guru agamaya siagang tu Farisia. Jari Nakio'mi Isa anjo taua, nampa Naballei. Le'baki anjo, Nasuromi anjo taua a'lampa.

LUKAS 14:6

Mingka tenamo sitau akkulle appiali ri Isa ri anjo passalaka.

LUKAS 20:40

Lanri kammana, tenamo nabarani pole ke'nanga akkuta'nang apa-apa ri Isa.

LAMPA-LAMPANA 4:14

Mingka tanaassengami angkana apa lanakana ke'nanga, lanri anjo tau le'baka niballei niaki ammenteng siagang Petrus na Yohanes ri dallekanna ngaseng ke'nanga.

LAMPA-LAMPANA 7:32

‘INakke minne Allata'alana boe-boenu; iNakkemi Allata'alana Abraham, Ishak, siagang Yakub.’ Annekkere'mi Musa napakamma malla'. Tenamo nabarani pole accini' mae anjoreng ri rompoka.