MATIUS 22:30 - KITTA' MATANGKASA'

³⁰ Nasaba' punna attallasa' poleangi sallang tau matea, tenamo nala'bunting poleang ke'nanga. Passangalinna lakammami ke'nanga malaekaka ri suruga.

MATIUS 22:30 ပူးပေါင်းရင်းမြစ်များ

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

MATIUS 13:43

Na sikontu tau anggaukangai ero'Na Allata'ala laccayami sanrapang mataalloa lalang ri Lino BeruNa Allata'ala, a'jaria Manggena ke'nanga. Jari, punna nia' tolinnu, pilangngerimi baji'-baji'!”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 22:31

Apa tale'bakapi nubaca lalang ri Kittaka apa le'baka Napau Allata'ala ri passala'na tau mate nipattallasa' poleanga? Nakana Allata'ala,

MATIUS 24:38

Ri allo-allo tenanapa nabattu a'ba lompoa, angnganre-nganrei, angnginung-nginungi, siagang a'bunting-buntingi taua. Kammaminjo tuli nagaukanga taua, sa'genna antama' Na'bi Nuh ri biseang lompo napareka.

LUKAS 17:27

Langnganre angnginungi, siagang lasibunting-buntingi taua; iaminjo tuli nagaukang ke'nanga, sa'genna antama' Na'bi Nuh ri biseanga. Nabattumo a'ba lompoa, namate tallang ngasemmo ke'nanga.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.