MATIUS 22:29 - KITTA' MATANGKASA'

²⁹ Appialimi Isa Nakana, “Sala pikkirang ngasengko antu. Nasaba' tena nupahangi bonena Kittaka siagang koasaNa Allata'ala.

MATIUS 22:29 ပူးပေါင်းရင်းမြစ်များ

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

YEREMIA 32:17

“O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

MATIUS 22:28

Jari punna attallasa' poleang tau matea kereangami pata baine anjo bainea? Nasaba' le'ba' ngasemmi nibuntingi ri anjo tujua bura'ne.”

MARKUS 12:24

Appialimi Isa Nakana, “Sala pahang sikaliko antu. Nasaba' tena nupahangi bonena Kittaka siagang koasaNa Allata'ala.

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

YOHANES 20:9

Sa'genna anjo wattua tenapa napahangi ke'nanga apa niaka tattulisi' lalang ri Kittaka angkanaya lattallasa' poleangi Isa battu ri kamateanga.)

LAMPA-LAMPANA 26:8

Angngapa natakkullea tappa' sikamma sari'battangku tu Yahudia angkanaya laNapattallasa' poleangi ammotere' Allata'ala tau matea?

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.