MATIUS 22:12 - KITTA' MATANGKASA'

¹² Akkuta'nammi ri anjo taua nakana, ‘E, gang, antekamma nukkulle antama' anrinni natena nummake pakeang passua'-suarrang?’ Tanaassengami appiali anjo taua.

MATIUS 22:12 ပူးပေါင်းရင်းမြစ်များ

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

MATIUS 20:13

Appialimi anjo patanna koko mae ri kalase'renna ke'nanga, angkana, ‘E gang, tena nakusala ri kau. Sai le'ba' maki' sitappuki angkanaya se're doe' pera' gajinu siallo?

MATIUS 26:50

Appialimi Isa Nakana, “Apa parallunu battu sari'battang?” Maju ngasemmi anjo tau jaia anjakkalaki Isa, nampa nasikko'.

MATIUS 5:20

Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

TITUS 3:11

Nuassemmi angkanaya ja'dalaki anjo tau kammaya siagang dosa-dosanami ampa'butti ma'nassana sala.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.