MATIUS 21:6 - KITTA' MATANGKASA'

⁶ A'lampami anjo ruaya ana' gurunNa Isa. Nagaukammi ke'nanga situru' napappasanganga Isa.

MATIUS 21:6 ပူးပေါင်းရင်းမြစ်များ

PA'JARIANG 12:4

Umuru'na Abram 75 taung ri wattunna nabokoi Haran, situru' parentaNa Batara mae ri ia. A'lampami Abram mange ri butta Kanaan siagang bainenna iamintu Sarai, kammayatompa Lot kamanakanna, sikamma atanna. Naerang ngaseng tommi sikamma pa'barang-barangang nagappaya ri Haran. Battuna ke'nanga mange ri Kanaan,

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

KALAPPASSANG 40:16

Nagaukammi Musa sikontu anjo apa Naparentakanga Batara.

YEHEZKIEL 12:7

Nampa kugaukammo anjo parentaNa Batara mae ri nakke. Anjo memang alloa, ri wattu allona, kuparutusu'mi barang-barangku antama ri se'reang pa'roko', sangkamma biasaya nagaukang tau annompanga. Ri wattunna appakkaramulamo bangngi, appare'ma' so'bolo' siagang limangku ri tembo' ballakku, nampa assulukka' battu ri anjo so'boloka. Niparhatikamma' ri sikontu taua nakupisang pa'rokokku ri salanggangku, nampa a'lampama'.

MATIUS 21:5

“Pabattumi ri Sion, angkanaya nia'mi battu Karaennu mae ri kau. Tunai ri pa'mai', ma'dongko' ri keledai sikayu ana' keledai rungkaya.”

MATIUS 21:7

Naerammi ke'nanga anjo keledaia siagang ana'na. Nampa nalapakki ke'nanga dongko'na anjo keledaia siagang jubana ke'nanga. Nampa nai'mi Isa.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.