MATIUS 21:44 - KITTA' MATANGKASA'

⁴⁴ Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

MATIUS 21:44 ပူးပေါင်းရင်းမြစ်များ

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

MATIUS 21:43

Nakanamo pole Isa, “Jari u'rangi angkanaya, yangasenna ha'nu a'jari umma'Na Allata'ala lanialleangko ammotere', nampa nipassareang mae ri bansa maraenga, eroka anggaukangi ero'Na Allata'ala. [

MATIUS 21:45

Nalangngere'na imang-imang kapalaya siagang tu Farisia anjo pangngebarang Nacaritaya Isa, naassemmi angkanaya kalenna ke'nanga nataba anjo pangngebaranga.

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

LUKAS 20:18

Sikamma tau tu'guruka ri anjo batua laancuruki; na inai-nai natuju anjo batua lanilissaraki sa'genna a'jari au.”

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.