MATIUS 21:30 - KITTA' MATANGKASA'

³⁰ Le'baki anjo a'lampami pole anjo taua mange ri ana' makaruana, nanasuro tommo mange anjama ri kokoa. Appialimi anjo ana' makaruaya nakana, ‘Iye',’ Mingka kale'bakkanna ta'lampayaji.

MATIUS 21:30 ပူးပေါင်းရင်းမြစ်များ

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

MATIUS 21:29

Appialimi anjo ana'na nakana, ‘Teaja'.’ Mingka tena nasallo, tappinrami pikkiranna, na'lampaja mange anjama ri koko anggoroka.

MATIUS 21:31

Jari kamma-kamma anne antekamma panggappanu? Kereanga anjo ana' ruaya anggaukangi napassuroanga manggena?” Appialimi imang-imang kapalaya siagang pamimping-pamimpinna tu Yahudia angkana, “Anjo ana'na toaya.” Jari Nakanamo pole Isa ri ke'nanga, “Patappa'mi angkanaya: Rioloangangi sallang parentea siagang bai'-baine ja'dalaka a'jari umma'Na Allata'ala kala ikau ngaseng.

MATIUS 23:3

Lanri kammana pilangngerimi siagang gaukammi apa napassuroanga. Mingka teako gaukangi apa nagaukanga ke'nanga. Nasaba' kalenna ke'nanga tena nagaukangi apa napangngajarranga ke'nanga.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.