MATIUS 21:24 - KITTA' MATANGKASA'

²⁴ Appialimi Isa Nakana, Ero' tongA' akkuta'nang ri kau ngaseng. Na punna nupialimo pakkuta'nangKu, nampa mako laKupauang todong angkanaya inai assareA' koasa anggaukang ngasengi sikammaya anjo apa le'baka Kugaukang.

MATIUS 21:24 ပူးပေါင်းရင်းမြစ်များ

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MATIUS 21:25

Iaminne pakkuta'nangKu, “Inai assarei koasa Yohanes anje'neki taua? Allata'ala yareka rupataua?” Massing sikuta'nammi para ia anjo imang-imang kapalaya siagang pamimping-pamimpinna tu Yahudia angkana, “Punna nikana ‘Allata'ala assarei koasa,’ lakkuta'nangi pole ri katte angkana, ‘Punna kamma padeng, apa saba'na natena nutappa' ri ia?’

LUKAS 6:9

Nampa akkuta'nang Isa ri tau niaka anjoreng Nakana, “Manuru' agamaya apa akkulle nigaukang ri allo Pammari-marianga? A'gau' baji' yareka a'gau' ja'dala'? Appasalama' tau yareka ancilakai taua?”

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.