MATIUS 21:23 - KITTA' MATANGKASA'

²³ Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MATIUS 21:23 ပူးပေါင်းရင်းမြစ်များ

KALAPPASSANG 2:14

Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

MATIUS 20:4

Nakanamo ri ke'nanga, ‘A'lampamako mange anjama ri koko anggorokku, nakubayarakko siapa siratanga.’

MATIUS 21:24

Appialimi Isa Nakana, Ero' tongA' akkuta'nang ri kau ngaseng. Na punna nupialimo pakkuta'nangKu, nampa mako laKupauang todong angkanaya inai assareA' koasa anggaukang ngasengi sikammaya anjo apa le'baka Kugaukang.

MATIUS 24:1

Ri wattunna a'lampamo Isa ambokoi Balla'Na Batara ri Yerusalem, battumi ana'-ana' gurunNa anjo'jokangi bangunang-bangunanna Balla'Na Batara.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

LUKAS 19:47

Allo-allona angngajara' Isa lalang ri Balla'Na Batara. Mingka ero'mi nibuno ri imang-imang kapalaya, siagang guru-guru agamaya, kammayatompa ri pamimping-pamimpinna tu Yahudia.

LUKAS 20:1

Ri se'reang allo, sitabangi angngajara' Isa, siagang Napabattui Kabara' Baji' battua ri Allata'ala, mae ri tau niaka lalang ri Balla'Na Batara. Battu tommi imang-imang kapalaya, guru-guru agamaya, kammayatompa pamimping-pamimpinna tu Yahudia.

LAMPA-LAMPANA 4:7

Nierammi Petrus siagang Yohanes mae ri dallekanna ke'nanga. Nikuta'nammi ri ke'nanga angkana, “Antekamma batenu amballei anjo tau pesoka? Kagassingang apa yareka koasa battu kemae nupake anggaukangi anjo kammaya?”

LAMPA-LAMPANA 7:27

Mingka nisorongammi Musa mae ri biring, ri anjo tau amba'jiai aganna, nampa nakana, ‘Inai angngangkakko a'jari pamimping siagang a'jari haking mae ri kambe?