MATIUS 21:17 - KITTA' MATANGKASA'

¹⁷ Le'baki anjo a'lampami Isa ambokoi ke'nanga. Assulu'mi battu ri kotaya, namange a'bangngi ri Betania.

MATIUS 21:17 ပူးပေါင်းရင်းမြစ်များ

YEREMIA 6:8

He pandudu' Yerusalem, poro anjo sikontu kasukkaranga a'jari pappaingaki ri kau! Gassingka Kubokoiko siagang Kupinrai kotanu a'jari parang lompo tenaya nipammantangngi ri tau.”

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

MATIUS 26:6

Ri wattunna nia' Isa ri Betania, ri balla'na Simon le'baka garring sala,

MARKUS 11:1

Wattunna a'reppese'mo mange ri Yerusalem, anrapi'mi ke'nanga ri kota Betfage siagang Betania, ri pungku'na Bonto Zaitun. Anjoreng Nasuroi Isa rua ana' gurunNa a'lampa riolo.

MARKUS 11:11

Nampa battumi Isa mange ri Yerusalem. Antama'mi ri Balla'Na Batara. Attammumi Naciniki ngaseng apa niaka ri tammulilinNa. Mingka lanri a'birimmi sassanga, a'lampami mange ri Betania siagang anjo sampuloa anrua ana' gurunNa.

MARKUS 11:19

Ri wattunna la'birimmo bangngi a'lampami Isa siagang ana'-ana' gurunNa ambokoi anjo kotaya.

MARKUS 14:3

Ri wattunna nia' Isa ri Betania, ri balla'na Simon le'baka garring sala, nia' sitau baine battu mae ri Ia. Angngerangi sibotolo' minynya'-minynya' bau', sannaka ka'jala'na ballinna nipareka battu ri aka'-aka' kayu bauka. Ri wattunna ammempo angnganre Isa nasungkemi anjo bainea anjo botoloka nampa natumpa anjo minynya'-minynyaka ri ulunNa Isa.

MARKUS 3:7

A'lampami Isa siagang ana'-ana' gurunNa mange ri Tamparang Galilea. Jai sikalimi tau battu ri Galilea ampinawangi Isa. Jai todong battu ri Yudea,

LUKAS 10:38

Le'baki anjo Napatulusu'mi jappaNa Isa siagang ana'-ana' gurunNa, nampa battu mange ri se'reang desa. Anjoreng ri desaya nia'mo sitau baine, niarenga Marta, angkioki Isa mange ri balla'na.

LUKAS 19:29

Ri wattunna battu ke'nanga ri rampi'na Betfage siagang Betania, iamintu ri Bonto Zaitun, Nasuromi ana' gurunNa rua tau a'jappa riolo.

LUKAS 24:50

Le'baki anjo, nirurungammi ke'nanga ri Isa assulu' ri pantaranganna kotaya, sa'genna mange ri Betania bellana. Battui mange anjoreng, Naangka'mi limanNa Isa, nampa Nabarakkaki ke'nanga.

YOHANES 11:1

Nia' sitau niareng Lazarus ammantang ri Betania siagang sari'battanna niarenga Maria siagang Marta.

YOHANES 11:18

Anjo Betania ambani ri Yerusalem, kira-kira tallu kilometere' bellana.