MATIUS 21:13 - KITTA' MATANGKASA'

¹³ Nampa Nakana ri anjo taua ngaseng, “Nia' tattulisi' lalang ri Kittaka angkana, Nakana Allata'ala, ‘Lanipareki balla' sambayang BallakKu.’ Mingka ikau ngaseng nupareki pa'rappungang paella'!”

MATIUS 21:13 ပူးပေါင်းရင်းမြစ်များ

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YEREMIA 7:11

Nukanaka anne BallakKu pammantangngang paella'? Yangasenna anjo panggaukannu Kucini' ngasemmi.

MATIUS 2:5

Appialimi ke'nanga angkana, “Ri kota Betlehem, ri pa'rasangang Yudea. Nasaba' kammaminne le'baka natulisi' na'bia,

MARKUS 11:17

Nampa Naajara' ngaseng tau niaka anjoreng. Nakana, “Nia' tattulisi' lalang ri Kittaka angkana: Nakana Allata'ala, ‘BallakKu laniarengi tampa' pappala' doangang untu' sikontu bansaya.’ Mingka ikau ngaseng nupa'jari pa'ru'mungang paella'!”

LUKAS 19:45

Antama'mi Isa ri Balla'Na Batara, siagang Nabongkami sikamma padanggang niaka anjoreng.

LUKAS 19:46

Nakana ri ke'nanga, “Nia' tattulisi' lalang ri Kittaka angkanaya: Nakana Allata'ala ‘Lanipareki BallakKu a'jari Balla' Sambayang.’ Mingka ikau ngaseng, nupa'jari balla' paella'!”

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’