MATIUS 21:12 - KITTA' MATANGKASA'

¹² Le'baki anjo antama'mi Isa ri Balla'Na Batara. Nabongka ngasemmi sikamma tau niaka anjoreng a'balu'-balu'. Nabulinta' ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

MATIUS 21:12 ပူးပေါင်းရင်းမြစ်များ

KALAPPASSANG 30:13

Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

KAIMANGNGANG 1:14

Punna jangang-jangang anjo napassareanga, musti bukkuru' yareka jangang-jangang bodobangkeng rungkaya.

KAIMANGNGANG 12:6

Punna le'ba'mo wattu pannangkasina, baji' lanri le'ba'na allassukang ana' bura'ne yareka ana' baine, anjo bainea musti angngerangi passare mange ri imanga ri dallekang pakke'bu' KemaNa Batara. Anjo passarea iamintu sikayu ana' gimbala' umuru' sitaunga untu' koro'bang nitunu, siagang sikayu jangang-jangang bodobangkeng rungka yareka bukkuru' rungka untu' koro'bang pammopporang dosa.

KAIMANGNGANG 12:8

Punna tena pakkullena anjo bainea appasadia sikayu ana' gimbala', musti angngerangi ruang kayu jangang-jangang bodobangkeng yareka bukkuru' rungka: sikayu untu' koro'bang nitunu na sikayu untu' koro'bang pammopporang dosa. Imanga musti nagaukangi upacaraya untu' antangkasi kara'massanna anjo bainea, sa'genna a'jari tangkasa'.

KAIMANGNGANG 14:22

Musti angngerang tongi ruang kayu jangang-jangang bodobangkeng rungka yareka bukkuru' rungka: sikayu untu' koro'bang pammopporang dosa na sikayu pole untu' koro'bang nitunu.

KAIMANGNGANG 14:30

Nampa imanga musti napassareangi anjo sikayua jangang-jangang bodobangkeng yareka bukkuru' rungka sumpaeng

KAIMANGNGANG 15:14

Ri makasagantujuna alloa, musti angngerangi ruang kayu jangang-jangang bodobangkeng yareka bukkuru' rungka mange ri dallekang pakke'bu' KemaNa Batara, nampa napassareang mae ri imanga.

KAIMANGNGANG 15:29

Ri makasagantujuna alloa musti angngerangi ruang kayu jangang-jangang bodobangkeng rungka yareka bukkuru' rungka mange ri imanga ri dallekang pakke'bu' KemaNa Batara.

KAIMANGNGANG 5:11

Punna tena pakkullena anjo tau kasalanga appasadia sipasang bukkuru' yareka jangang-jangang bodobangkeng untu' koro'bang nipammopporanna dosaya, musti angngerangi sikilo labu'. Anjo labuka takkulleai nipasileo' siagang minynya' zaitun yareka nipasierang kamanynyang, nasaba' anjo koro'banga iamintu koro'bang nipammopporanna dosaya, teai koro'bang nipatala.

KAIMANGNGANG 5:7

Mingka punna tena pakkullena anjo tau kasalanga appasadia gimbala' yareka bembe untu' antangkasi dosana, musti angngerangi sipasang jangang-jangang bukkuru' yareka jangang-jangang bodobangkeng rungka, sikayu untu' koro'bang nipammopporanna dosana, nampa sikayu pole untu' koro'bang nitunu.

MARKUS 11:11

Nampa battumi Isa mange ri Yerusalem. Antama'mi ri Balla'Na Batara. Attammumi Naciniki ngaseng apa niaka ri tammulilinNa. Mingka lanri a'birimmi sassanga, a'lampami mange ri Betania siagang anjo sampuloa anrua ana' gurunNa.

LUKAS 2:24

Ero' tommi ke'nanga mange assare koro'bang, iamintu sipasang jangang-jangang bukkuru', yareka ruang kayu jangang-jangang bodobangkeng rungkaya, situru' apa le'baka nipattantu lalang ri Hukkung Napassareanga Batara.

YOHANES 2:13

Ri wattunna a'birimmo Allo Lompo Paskana tu Yahudia, a'lampami Isa mange ri kota Yerusalem.