MATIUS 21:10 - KITTA' MATANGKASA'

¹⁰ Ri wattunna antama'mo Isa ri kota Yerusalem, gegere'mi sikontu tau niaka ammantang anjoreng ri kotaya. Akkuta'nammi tau anjorenga ri kotaya angkana, “Inai anne taua?”

MATIUS 21:10 ပူးပေါင်းရင်းမြစ်များ

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

YESAYA 63:1

“Inaika anjo niaka battu ri Bozra ri Edom? ejai bajunna, pakeanna accayai; teai sipato' gammara'na batena a'jappa.” “INakkemi Batara akkullea appasalama' siagang battua angngerang kabara' pammetang.”

MATIUS 2:3

Nalangngere'na Herodes anjo kabaraka, teaimi sipato' ta'bangkana. Kammayatompa sikontu tau niaka ri Yerusalem ta'bangka ngaseng tommi.

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

LUKAS 20:2

Nakanamo ke'nanga ri Isa, “Pau sai bedeng mae ri kambe, inai assareKo pangngellai anggaukang ngasengi anne? Inai assareKo anjo koasa kammaya?”

LUKAS 5:21

Sipa'bicarami guru-guru agamaya siagang tu Farisia nakana, “Inai anne taua nabarani kamma anghinai Allata'ala? Inai akkulle ampammopporangi dosaya, pantaranganna Allata'ala?”

LUKAS 7:49

Nakanamo para ia tau niaka ammempo angnganre siagang Isa, “Inai anne taua, nakkulle kamma ampammopporangi dosaya?”

LUKAS 9:9

Nakanamo Herodes, “Le'ba'mi kusuro taua ansamballei kallonna Yohanes. Mingka inai anjo Taua sikontutojenna? Jai sikalimi kabara'na kulangngere' anjo Taua.” Jari ero'mi Herodes anciniki Isa.

YOHANES 2:18

Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

RUT 1:19

Jari napatulusu'mi lampana ke'nanga, sa'genna anrapi' mange ri Betlehem. Kamma battuna ke'nanga mange anjoreng, gegere'mi taua ri sikontu anjo kotaya. Nakana ngasemmo tubai'-bainea anjoreng, “Maka Naomi tojengka anjo?”

1 SAMUEL 16:4

Nagaukammi Samuel situru' anjo Napaua Batara. Ri wattunna battu mange ri Betlehem, niruppaimi ri sikamma pamimpinga ri anjo kotaya. Nata'bangka ke'nanga siagang akkuta'nang angkana, “Maka kabara' kasalamakkang anne naerang kabattuanna bapa'?”