MATIUS 20:8 - KITTA' MATANGKASA'

⁸ Ri karueng dudunamo, nakanamo anjo patanna koko ri mandoro' pajama-jamana, ‘Kio' ngasemmi anjo tau anjamaya. Massing bayara'mi gajina appakkaramula battu ri anjo kala'busang dudua antama' anjama sa'genna tau ri dallekang dudua antama'.’

MATIUS 20:8 ပူးပေါင်းရင်းမြစ်များ

PA'JARIANG 15:2

Mingka nakanamo Abram, “O Batara Kaminang Tinggia, tena naKisarea' ana'. Tau langgappayai barang-barangku poro Eliezer bawang, iamintu atangku battua ri Damsyik. Jari apa matu-matunna anjo pahalaya mae ri nakke?”

PA'JARIANG 43:19

Lanri kammana, ri wattunna nia' ke'nanga ri ampi' pakke'bu' balla'na Yusuf, akkuta'nammi ke'nanga ri kapala ruma tanggaya,

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

MATIUS 20:7

Appialimi ke'nanga angkana, ‘Katena tau ampajamaki'.’ Nakanamo anjo patanna koko, ‘Punna kamma padeng, mange ngaseng mako anjama ri koko anggorokku.’

MATIUS 20:9

Battumi anjo pajama tette' limaya ri karuenga nappakkaramula anjama. Massing nibayara'mi tasse'renna doe' pera'.

MATIUS 25:19

Sallo sikali le'ba'namo anjo, ammotere'mi anjo karaenga. Nappakkaramulamo assirekengang siagang ke'nanga.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

PAOLE 24:15

Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

TITUS 1:7

Nasaba' anjo pamimping jama'aka, iami angngurusuki jama-jamanga untu' Allata'ala; jari takkulleai nia' callanna. Takkulleai tampo yareka pa'larroang, yareka painung sa'genna nangai nasa'ring, yareka nangai assiba'jia, yareka mangngoai ri doe'.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.

RUT 2:6

Appialimi anjo mandoroka angkana, “Baine bansa Moab beru battua siagang Naomi battu ri pa'rasangang Moab.