MATIUS 20:34 - KITTA' MATANGKASA'

³⁴ Tu'guru'mi pangngamaseanNa Isa ri ke'nanga. Najamami matanna ke'nanga, nakkulle memammo accini' silalonna. Nampa amminawammi ke'nanga ri Isa.

MATIUS 20:34 ပူးပေါင်းရင်းမြစ်များ

PAMMUJI 119:67

Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

PAMMUJI 145:8

Anjo Batara mangngamaseangi siagang mangngarimangngi, tena nalinta' larro siagang tuli mangngamaseangi.

MATIUS 14:14

Ri wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa Isa anciniki ke'nanga. Naballeimi sikamma tau garringa, niaka todong battu.

MATIUS 15:32

Le'baki anjo Nakio'mi Isa ana'-ana' gurunNa nampa Nakana, “Kukamaseanna anne tau jaia. Tallungallomi angngagangA', natenamo kanrena ke'nanga. Tena nalaKupa'biangi ammotere' ke'nanga punna cipuru', gassingka kodi sallang pakkasia'na ke'nanga ri tangngana aganga!”

MATIUS 20:33

Appialimi ke'nanga angkana, “O Tuang, erokki' anne accini'!”

MATIUS 21:1

A'reppese'namo ri Yerusalem, battumi ke'nanga ri Betfage, ri Bonto Zaitun. Battuna anjoreng Nasuromi rua ana' gurunNa Isa a'lampa riolo.

MATIUS 8:15

Najamami Isa limanna anjo tau garringa, sa'genna ammari memang silalonna garrinna. Ambangummi nai', nampa mange allayani Isa.

MATIUS 9:29

Jari Najamami Isa matanna ke'nanga siagang Nakana, “Lanri tappa'nu, a'jarimi ri kau apa numinasaia.”

MATIUS 9:36

Na ri wattunna Nacini' ngaseng Isa anjo tau jaia, tu'guru'mi pangngamaseanNa. Lanri sanrapangi ke'nanga gimbala' tappelaka siagang dodonga lanri tenana pakalawakinna.

MARKUS 7:33

Naerammi Isa anjo taua a'lampa akkale-kale, nampa Napamange karemenNa ri tolinna anjo taua. Nampa appi'ru na Najama lilana anjo taua.

LUKAS 18:43

Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

LUKAS 22:51

Mingka Nakanamo Isa, “Sikamma monjo!” Nampa Najama tolinna anjo taua, siagang Naballei na'jari baji' ammotere'.

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.