MATIUS 20:31 - KITTA' MATANGKASA'

³¹ Nikalarroimi siagang nisuromi ke'nanga a'mere' ri sikamma tau niaka anjoreng. Mingka pila' akkio' lompoji pole ke'nanga angkana, “O Tuang, Ana'na Daud, Kikamaseangki' anne kodong!”

MATIUS 20:31 ပူးပေါင်းရင်းမြစ်များ

MATIUS 15:23

Mingka tena sikali Nappiali Isa ri anjo bainea. Napala'mi ana'-ana' gurunNa sollanna Nasuro anjo tu bainea a'lampa. Nakanamo ke'nanga, “Bapa' Kisuro laloi anjo bainea a'lampa. Amminawanji apparicu ri bokota!”

MATIUS 19:13

Nia' siapa are tau angngerangi ana'na mae ri Isa sollanna nibarakkaki siagang nipappala' doangang anjo ana'-anaka. Mingka nikalarroimi ri ana'-ana' gurunNa Isa anjo taua.

MATIUS 20:30

Nia'mo rua tau buta ammempo ri biring aganga. Nalangngere'na ke'nanga angkanaya niaki Isa numalo, akkiok-kio'mi ke'nanga angkana, “O Ana'na Daud, kamaseangki' anne kodong!”

MATIUS 20:32

Jari ammantammi Isa nampa Nasuro kio' ke'nanga. Akkuta'nammi ri ke'nanga angkana, “Apa ero' nupala' Kugaukang ri kau sipa'rua?”

MATIUS 9:27

A'lampami Isa battu anjoreng ri tampaka. Na ri tangngana aganga, nia'mo rua tau buta ampinawangi. Akkio'-kioki ke'nanga angkana, “O, Ana'na Daud, Kikamaseangi ikambe anne!”

LUKAS 18:39

Larromi anjo tau a'jappaya ri dallekang siagang nasuromi anjo tau butaya a'mereki. Mingka pila' nalompoimi sa'ranna anjo tau butaya, akkiok-kio' nakana, “O, Ana'na Daud! Kamaseang laloa'!”

KOLOSE 4:2

Paralluko tamalanrea appala' doang siagang a'jaga-jaga, kammayatompa appala' sukkuru' mae ri Allata'ala.

1 TESALONIKA 5:17

tuli appala' doangko mae ri Allata'ala.