MATIUS 20:26 - KITTA' MATANGKASA'

²⁶ Mingka ikau takkulleako appakamma anjo. Passangalinna inai-nai ero' a'jari tau lompo parallui a'jari palayang.

MATIUS 20:26 ပူးပေါင်းရင်းမြစ်များ

YEHEZKIEL 24:13

He Yerusalem, anjo panggaukang-panggaukang kodinu nara'massimi kalennu. Kucobami antangkasiko, mingka tena matu-matunna, lanri tuli ra'masa'nu. Tena nulatangkasa' ammotere' sa'genna ammari pangngalarroingKu mae ri kau.

MATIUS 20:27

Na inai-nai ero' a'jari tau ri dallekang dudu, parallui a'jari ata.

MATIUS 25:44

Appialimi ke'nanga ri Ia angkana, ‘O, Batara, ringngapanna nakucinikKi' cipuru', yareka turere, yareka nitarungku, yareka a'jari tu battu-battu, yareka taccare-carea, yareka garring, natakutulungaKi'?’

MATIUS 27:55

Jai todong tu baine anjoreng, ancini' battu bellai anjo kajarianga. Ia ngaseng minjo ke'nanga le'baka amminawang siagang ambantui Isa appakkaramula battu ri Galilea.

MARKUS 10:43

Mingka takkulleako kau appakamma anjo. Passangalinna inai-nai ero' a'jari tau malompo musti a'jari palayangi ri tangnga-tangnganu.

MARKUS 10:45

Nasaba' manna Ana' Ma'rupataua tena Nabattu untu' nilayani. Mingka battui untu' allayani, siagang untu' ampassareangi nyawaNa sollanna akkulle Napasalama' tau jaia.”

MARKUS 9:35

Ammempomi Isa nampa Nakio' anjo sampuloa anrua ana' gurunNa. Nakanamo ri ke'nanga, “Inai-nai ero' a'jari lomoro' se're, musti napa'jari tu ri bokoi kalenna siagang a'jari palayangi ri sikontu taua.”

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

LUKAS 22:26

Mingka ikau ngaseng, takkulleako kamma anjo. Passangalinna, inai-nai ero' kaminang nipakala'biri' ri kau musti napa'jari kalenna kaminang tuna. Siagang inai-nai la'jari pamimping, musti a'jari sangkammai palayang.

YOHANES 18:36

Nakanamo Isa, “INakke kakaraengangKu tena nabattu anrinni ri linoa. Ebara' angkana battu anrinni ri linoa kakaraengangKu, ma'nassa langngewai taungKu sollanna tena nanipassareangA' mae ri sikamma pamarentana tu Yahudia. Mingka tena memang nabattu anrinni ri linoa kakaraengangKu!”

LAMPA-LAMPANA 13:5

Ri wattunna battu ke'nanga mange ri Salamis, napabattumi ke'nanga kana-kananNa Allata'ala lalang ri sikamma balla' sambayanna tu Yahudia. Nibantumi ke'nanga ri Yohanes Markus lalang ri pa'jappanna ke'nanga.

2 KORINTUS 1:24

Tena nakuero' ampassako ri passala' apa siratanga nupatappa', lanri jarre'namo tappa'nu mae ri Isa. Erokkuji bawang angngagangko sipanjamang, sollannu pila' mate'ne ri tallasa'nu.

2 TIMOTIUS 1:18

Siagang ri wattungku ri Efesus jai sikalimi natulunganga'. Yangasenna anne nuasseng ngasemmi. Poro Napappicinikang laloi pangngamaseanNa Batara mae ri ia, ri allo niadelina ngaseng sikontu rupataua ri Batara.

FILEMON 1:13

Sikontutojenna eroki kutahang anrinni a'jari sambennu; sollangku akkulle nabantu ilalang niakku lalang anrinni ri tarungkua passabakkang Kabara' Baji' battua ri Allata'ala.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.