MATIUS 20:23 - KITTA' MATANGKASA'

²³ Nakanamo Isa, “Memang akkullejako ampisa'ringi passessa laKupisa'ringia. Mingka inai sallang lammempo ri sa'ri kairingKu siagang ri sa'ri kanangKu, teai iNakke lampattantui. Anjo tampaka lanipassareangi ri tau le'bakamo Napattantu Manggea.”

MATIUS 20:23 ပူးပေါင်းရင်းမြစ်များ

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

MATIUS 20:24

Nalangngere'na ana'-ana' gurunNa Isa sampuloa anjo passalaka, larromi ke'nanga mae ri anjo tau ruaya massari'battang.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

MARKUS 10:40

Mingka passala' inai lammempo ri sa'ri kanangKu siagang ri sa'ri kairingKu, anjo teai Nakke lampattantui. Allata'ala lampattantui angkana inai-nai lammempo ri anjo tampaka.”

LAMPA-LAMPANA 12:2

Iami amparentakangi, nanibunomo siagang pa'dang sari'battanna Yohanes, iamintu Yakobus.

ROMA 8:17

Jari punna a'jari maki' ana'-ana'Na, ma'nassa a'jari tommaki' warisi'Na, lantarimayai sikamma barakka' le'baka Napasadia Allata'ala untu' ana'-ana'Na. Lannarimaki' siagang Isa apa le'baka Napasadia Allata'ala untu' Isa; nasaba' punna sikapa'risangki' siagang Almasi, lasiagang tommaki' Almasi nipakala'biri'.

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

2 KORINTUS 1:7

Tuli jarre'na panrannuanna ikambe tena niranggasela mae ri kau ngaseng, lanri naassenna ikambe angkanaya nukasia' tommi kasukkaranna ikambe. Lanri kammana, lanugappa tommi panjarreki nagappaya ikambe.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.