MATIUS 20:21 - KITTA' MATANGKASA'

²¹ Akkuta'nammi Isa Nakana, “Apa nukaeroki?” Appialimi anjo bainea nakana, “Punna a'jari KaraengKi' sallang kupalaki naKipaempo anne anakku ruaya, se're ri kairinTa na se're ri kananTa.”

MATIUS 20:21 ပူးပေါင်းရင်းမြစ်များ

1 KARAENG-KARAENG 2:19

Jari a'lampami Batsyeba mange ri karaenga untu' ambicarakangi anjo passalaka untu' Adonia. Ammentemmi karaenga anruppai amma'na siagang assu'ju' mae ri ia. Nampa ammempo pole irate ri empoang kakaraenganna. Nampa nasuro taua appasadia kadera ri sa'ri kananna untu' amma'na.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

ESTER 5:3

Akkuta'nammi karaenga nakana, “Apa kutadeng ratuku? Apa nukaeroki? Manna nupala' bageruanna kakaraengangku, lakusare tonjako.”

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 45:9

Pakeannu mabau' a'rasa muru', gaharu siagang cendana; nipakarannuko ri pakarena musika ri balla' lompo gadinga.

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

MATIUS 18:1

Anjo wattua akkuta'nammi ana'-ana' gurunNa Isa ri Ia angkana, “Inai akkulle nikana kaminang malompo ri sikontu umma'Na Allata'ala?”

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 20:22

Nakanamo Isa ri ke'nanga, “Tanupahangai antu apa nupalaka. Maka akkullejako lampisa'ringi todongi passessa laKupisa'ringia?” Appialimi ke'nanga angkana, “Iye', akkulleja'.”

MATIUS 20:32

Jari ammantammi Isa nampa Nasuro kio' ke'nanga. Akkuta'nammi ri ke'nanga angkana, “Apa ero' nupala' Kugaukang ri kau sipa'rua?”

MARKUS 10:51

Akkuta'nammi Isa ri ia Nakana, “Apa nukaeroki Kugaukang ri kau?” Appialimi anjo tau butaya nakana, “O Pa' Guru, erokka' accini'.”

MARKUS 16:19

Le'baki a'bicara Isa siagang ke'nanga, ta'angka'mi Isa nai' ri suruga. Anjorengi ammarenta siagang Allata'ala.

MARKUS 6:22

Wattunna assua'-suara' nisuromi a'dansa ana' tulolona Herodias. Nasanna' sannanna nyawana Herodes siagang toananna ngaseng anciniki anjo dansa nakarenanga. Lanri rannuna nyawana, nakanamo Herodes ri anjo tuloloa, “Apa nukaeroki, pala'mami nakusareko.”

LUKAS 18:41

“Apa nukaeroki Kugaukang ri kau?” Appialimi anjo tau butaya nakana, “O Batara, erokka' accini'.”

LUKAS 19:11

Lalang nipilangngerina ri taua a'bicara, Nacaritami Isa se're pangngebarang. Nasaba' ri wattunna a'reppese'mo ri Yerusalem nakapangi taua angkanaya tasalloami nalammarenta Allata'ala salaku Karaeng ri linoa.

LUKAS 22:24

A'gea'-gea'mi ana'-ana' gurunNa Isa, passabakkang inai ri ke'nanga lanipa'jari kaminang nipakala'biri' sallang.

YOHANES 15:7

Punna tuli asse'reko siagang iNakke, siagang punna tuli nupariati pangngajarangKu, pala'mi ri Manggea apa-apa mamo nukaerokia; tena tanugappana anjo apa nupalaka.

LAMPA-LAMPANA 1:6

Ri wattunna a'rappungang sikamma anjo tunisuroa siagang Isa, akkuta'nammi ke'nanga ri Isa, angkana, “O Batara, ero' maKi' kamma-kamma anne ampaenteng poleangi PamarentahanTa ri bansa Israel?”

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

KOLOSE 3:1

Nipabangung poleang mako ammotere' battu ri kamateanga siagang Almasi. Lanri kammana, musti usaha mako untu' anggappai apa-apa niaka ri suruga; iamintu ri tampa'Na Almasi, ammarenta siagang Allata'ala.