MATIUS 20:15 - KITTA' MATANGKASA'

¹⁵ Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

MATIUS 20:15 ပူးပေါင်းရင်းမြစ်များ

KALAPPASSANG 33:19

Appialimi Batara angkana, “LanumaloA' siagang sikontu kala'birangKu ri dallekannu, nampa Kupau areng matangkasakKu. INakkemi Batara, siagang laKupappicinikangi kalammoranna pa'maikKu siagang pangngamaseangKu mae ri sikamma tau le'baka Kupile.

PANGNGEBARANG 23:6

Teako sipangnganreangi siagang tau gi'gilika. Teako eroki ri kanre nyamanna.

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

YEREMIA 18:6

“He ummakKu, maka latena nakkulle Kugaukang sangkamma anjo apa nagaukanga papare' uringa battu ri butta pi'na? Rapang butta pi' lalang ri limanna papare' uringa, kamma tommako anjo lalang limangKu.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MATIUS 20:14

Jari, allemi anne gajinu, nu'lampa. Ero' memang tonga' assarei anjo tau ri boko dudua antama' anjama, gaji sangkammaya jaina siagang gaji kupassareanga ri kau.

MATIUS 6:23

Mingka punna ra'masaki matannu, sassang ngaseng tommi antu sikontu batangkalennu. Jari punna sassammi lampu niaka ri kalennu, tamakami sassang makkappu'na anjo sassanga!”

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

1 KORINTUS 4:7

Inaika ampa'jariko malompoangang na tau maraenga? Sai yangaseng-ngasenna sangnging apa-apa nutarimaji battu ri Allata'ala. Jari angngapa nanuero' ampattampo-tampoangi kalennu, sangkamma le'ba' angkana anjo apa-apa niaka ri kau teai apa-apa nutarima?

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

EFESUS 2:5

sa'genna ri wattunna mate katallassang rohanita, lanri gau'-gau' salata, Napattallasa' poleang maki' ammotere' siagang Almasi. Jari, lanri kabajikanNa bawang Allata'ala, naNapasalamakko.

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

PAOLE 28:54

Ba'lalo tubija karaeng kaminang bajika pa'mai'na latappu' minasa tongi lalang nilipunna anjo kota-kotanu, sa'genna nakanremo siapa area ana' kalenna lanri tenanamo maraeng lanakanre. Tena manna sike'de' anjo kanrea napassareang mae ri sari'battanna yareka bainenna nangaia yareka ana'-ana'na attallasaka ija.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!