MATIUS 20:1 - KITTA' MATANGKASA'

¹ “Punna ammarenta Allata'ala, pangngebaranna lakammaminne: Nia' se're tau ero' a'boya pajama ri koko anggoro'na. A'lampa bari'basa'mi a'boya tau.

MATIUS 20:1 ပူးပေါင်းရင်းမြစ်များ

MATIUS 13:24

Napaccaritammi pole Isa se're pangngebarang maraeng anjo tau jaia. Nakana, “Punna ammarenta Allata'ala, pangngebaranna lakammaminne: Nia' sitau pamarri appakioro' bine ri tanana.

MATIUS 13:31

Napaccaritammi pole Isa se're pangngebarang anjo tau jaia. Nakana, “Punna ammarenta Allata'ala, pangngebaranna lakammaminne: Nia' silisere' parekang lamungang ca'di dudu nialle ri se'reang tau, nampa nalamung ri kokonna.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

MATIUS 13:47

“Punna ammarenta Allata'ala, lasanrapangi jala nibuanga ri tamparanga, nanggappa a'rupa-rupa juku'.

MATIUS 20:2

Ri wattunna nia'mo siapa are tau nagappa, sitappukimi angkanaya lanabayaraki ke'nanga se're doe' pera' lalanna sialloa. Le'baki anjo nasuromi ke'nanga a'lampa anjama ri koko anggoro'na.

MATIUS 21:28

Nakanamo pole Isa, “Nia' sitau bura'ne, nia' ana'na bura'ne rua. Nakanamo ri ana'na toaya, ‘Na', a'lampako anne alloa anjama ri koko anggoroka.’

MATIUS 22:2

Nakana, “Punna ammarenta Allata'ala kammaminne pangngebarranna: Nia' se're Karaeng ampa'buntingi ana'na bura'nea, nanapassua'-suarrang.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 25:1

“Punna battu Ana' Ma'rupataua salaku Batara, lakammai anne pangngebaranna: Nia' sampulo tulolo paerang bunting, massing angngalle sulo, nampa a'lampa mange anruppai bunting bura'nea.

MATIUS 25:14

“Punna battu Ana' Ma'rupataua salaku Batara, lakammai anne pangngebaranna: Nia' se're bura'ne ero' a'lampa ri se'reang pa'rasangang bella. Nakio'mi tallua palayanna, nampa napappirannuangang barang-baranna ri ke'nanga.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MARKUS 13:34

Pangngebarranna lasangkammai tau a'lampaya ambokoi balla'na nampa mange ri se'reang pa'rasangang bella. Nasuroi palayang-palayanna angngurusuki balla'na, siagang massing nasarei jama-jamang. Pajaga pakke'bu'na napasangi sollanna a'jaga baji'-baji'.

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.