MATIUS 2:20 - KITTA' MATANGKASA'

²⁰ Nakana anjo malaekaka, “Mate ngasemmi sikontu tau eroka ambunoi antu Anaka. Jari ambangung mako, allei antu Anaka siagang amma'Na siagang ammotere' mako mange ri Israel.”

MATIUS 2:20 ပူးပေါင်းရင်းမြစ်များ

1 KARAENG-KARAENG 11:21

Ri wattunna anggappa kabara' Hadad angkanaya matemi Karaeng Daud, siagang Yoab, panglima tantarana Israel mate tommi, nakanamo Hadad ri karaeng Mesir, “Kipa'biamma' ammotere' mange ri pa'rasangangku.”

1 KARAENG-KARAENG 11:40

Ri wattunna battu anjo kabaraka mange ri Salomo, usahami ero' ambunoi Yerobeam. Mingka larimi Yerobeam mange ri Karaeng Sisak ri Mesir, nampa ammantang anjoreng sa'genna mate Salomo.

KALAPPASSANG 4:19

Ri wattunna nia' ija Musa ri butta Midian, Nakana Batara ri ia, “Ammoterekko mange ri Mesir. Sikontu tau eroka ambunoko mate kabusu'mi.”

MATIUS 2:13

Ammotere'namo anjo tucara'deka accini' bintoeng, nia'mi pole malaeka'Na Batara ampappicinikangi kalenna lalang so'na mae ri Yusuf. Nakana anjo malaekaka, “Eroki nasuro boya siagang nasuro buno Herodes antu Anaka. Jari ambangungko nai', erangi antu Anaka siagang amma'Na mange accokko ri Mesir. Ammantang mako anjoreng sa'gennu Kusare poleang kabara'.”

MATIUS 2:19

Ri wattunna matemo Herodes, ri nia'na ija Yusuf siagang anjo Anaka siagang amma'Na ri butta Mesir, nia'mi pole malaeka'Na Batara battu ampappicinikangi kalenna lalang so'na ri Yusuf.

MATIUS 2:21

Ambangummi Yusuf, nampa naerang anjo Anaka siagang amma'Na ammotere' mange ri Israel.