MATIUS 2:13 - KITTA' MATANGKASA'

¹³ Ammotere'namo anjo tucara'deka accini' bintoeng, nia'mi pole malaeka'Na Batara ampappicinikangi kalenna lalang so'na mae ri Yusuf. Nakana anjo malaekaka, “Eroki nasuro boya siagang nasuro buno Herodes antu Anaka. Jari ambangungko nai', erangi antu Anaka siagang amma'Na mange accokko ri Mesir. Ammantang mako anjoreng sa'gennu Kusare poleang kabara'.”

MATIUS 2:13 ပူးပေါင်းရင်းမြစ်များ

1 KARAENG-KARAENG 11:17

Mingka Hadad, ia rungkaya ija anjo wattua, lari mange ri Mesir siagang siapa are tu Edom, iamintu palayang-palayanna manggena.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

AYUB 33:15

Kamanna nyamang tinrona taua ri wattu bangngia, A'bicarai Allata'ala lalang so'na siagang paccini'.

AYUB 33:17

PattujunNa, sollanna ammari taua a'gau' dosa na napammari ke'nanga nikanaya borro.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

MATIUS 2:12

Ri lammotere'na ke'nanga, nipauammi ri Allata'ala lalang so'na, sollanna tea ammoteri ke'nanga mange ri Herodes. Jari oloang maraemmi naolo ke'nanga ammotere' mange ri pa'rasanganna.

MATIUS 2:14

Ambangummi Yusuf, na'lampa memang anjo bangngia angngerangi anjo Anaka siagang amma'Na mange accokko ri butta Mesir.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

MATIUS 2:22

Mingka nalangngere'na Yusuf angkanaya Arkelaus, iamintu ana'na Herodes ansambeangi manggena a'jari karaeng ri pa'rasangang Yudea, malla'mi Yusuf mange anjoreng. Mingka nipauammi pole ri Batara lalang so'na, sollanna a'lampa mange ri Daera Galilea.

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

LAMPA-LAMPANA 10:7

A'lampanamo anjo malaeka' a'bicaraya mae ri Kornelius, nakio'mi Kornelius rua palayanna ri balla', siagang sitau tantara pangawala' baji'na.

LAMPA-LAMPANA 12:11

Le'baki anjo nampami naasseng Petrus anjo apa le'baka kajariang ri kalenna. Nakanamo ri kalenna, “Kamma-kamma anne kuassemmi angkanaya ma'nassa Nasuromi malaeka'Na Batara battu allappassanga' battu ri kakoasanna Herodes siagang battu ri sikontu apa eroka nagaukang bansa Yahudi mae ri nakke.”

LAMPA-LAMPANA 12:7

Ti'ring nia'mo malaeka'Na Batara ammenteng anjoreng, siagang accayami singaraka lalang ri kamara'na anjo tarungkua. Nironrommi Petrus ri anjo malaekaka, sa'genna ambangung Petrus. Nampa nakana anjo malaekaka, “He, ambangungko linta'!” Anjo wattua ta'lappasa'mi anjo rante bassi nipasikkoka ri limanna Petrus.

LAMPA-LAMPANA 16:36

Napabattumi kapala tarungkua anjo kabaraka mae ri Paulus. Nakana, “O Tuang, nasuro lappassammaki' pamarenta battua ri Roma. Kamma-kamma anne akkulle maki' ammotere'. Salamakki' ri lampata!”

LAMPA-LAMPANA 5:19

Mingka ri wattu lantanna bangngia, battumi malaeka'Na Batara assungke ngasengi pakke'bu'na anjo tarungkua, nampa naerang anjo sikamma tunisuroNa Allata'ala assulu'. Nakanamo anjo malaekaka mae ri sikamma anjo tunisuroNa Allata'ala.

LAMPA-LAMPANA 7:19

Anjo karaenga napare' karek-karenammi bansata, siagang sanna'mi nakapallakkina boe-boeta. Napassami boe-boeta ampelaki ana'-ana' lolona punna lassu' sollanna nibawang-bawangngang na mate anjo ana' loloa.

YOSUA 3:13

Sinampe' punna anjo imang-imang ambulekai Patti ParjanjianNa Batara napaonjo'mi bangkenna antama' ri je'neka ri Binanga Yordan, ammantammi a'lo'loro' je'ne'na; anjo je'ne' a'lo'loroka ri ulunna anjo binangaya lammantangi ri se're tampa'.”

YOSUA 4:10

Sikamma imanga ammenteng tulusuki ri tangnga-tangngana Binanga Yordan sa'genna le'ba' ngaseng nagaukang anjo taua sikontu apa Naparentakanga Batara mae ri ke'nanga tete ri Yosua. Anjo kammaya sicocoki siagang pangngunju'-pangngunju' battua ri Musa mae ri Yosua. Akkaro-karomi umma' Israel a'limbang ri Binanga Yordan.

YOSUA 4:18

Ia battuna ngaseng anjo sikamma imanga ri birinna binangaya, appakkaramulami a'lo'loro' ammotere' siagang allumpa kamma riolo je'ne'na anjo binangaya.

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

PAPPICINI' 12:6

Jari larimi anjo bainea mange ri parang lompoa, ri tampa' le'baka nipasadiangi ri Allata'ala. Anjoremmi ri tampaka laniparakai 1260 allo sallona.