MATIUS 19:7 - KITTA' MATANGKASA'

⁷ Akkuta'nammi pole tu Farisia ri Ia angkana, “Punna paleng kamma, apa saba'na nanasuro taua Musa assarei sura' talla' bainenna punna natalla'?”

MATIUS 19:7 ပူးပေါင်းရင်းမြစ်များ

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

MALEAKHI 2:16

Nakana Karaeng Allata'alana Israel, “Kukabirisi nikanaya passitallakkang. Birisikka' punna nia' tau ri kau a'gau' palla' kamma anjo mae ri bainenna. Jari katutui kalennu siagang tea sikaliko amminrai pa'mai'nu mae ri bainennu.”

MATIUS 1:19

Anjo Yusuf tuli tutui anggaukangi gau' tojenga situru' napangngajarranga agamana. Taerokai ampelakkangi siri'na Maria ri dallekanna tau jaia. Jari ero'mi a'lampa cokko-cokko ambokoi Maria.

MATIUS 19:6

Jari tenamo narua ke'nanga, mingka a'jari se'remi. Jari iaminjo saba'na naapa le'baka Napa'jari se're Allata'ala, takkulleai napasisa'la' rupataua.”

MATIUS 19:8

Appialimi Isa Nakana, “Tena napisangkaiko Musa antallaki bainennu lanri susanu ngaseng niajara'. Mingka sikontutojenna uru-uruna takammayai anjo.

MATIUS 5:31

“Nia' todong pangngajarang kammaya anne: Inai-nai antallaki bainenna, parallui nasare sura' talla'.

MARKUS 10:4

Appialimi ke'nanga angkana, “Nakellaiji Musa taua antallaki bainenna, assala' napapparekang rolong sura' talla'.”