MATIUS 19:6 - KITTA' MATANGKASA'

⁶ Jari tenamo narua ke'nanga, mingka a'jari se'remi. Jari iaminjo saba'na naapa le'baka Napa'jari se're Allata'ala, takkulleai napasisa'la' rupataua.”

MATIUS 19:6 ပူးပေါင်းရင်းမြစ်များ

PANGNGEBARANG 2:17

Anjo baine kammaya tajarrekai pa'mai'na mae ri bura'nenna, siagang nakaluppaimi janjinna mae ri Allata'ala.

MALEAKHI 2:14

Akkuta'nangko angkana angngapa Nataeroka antarimai. Lanri Naassenna Batara angkanaya tena najarre' pa'mai'nu mae ri baine nunikkaiya ri wattu rungkanu. Anjo bainea julu tallasa'nu, mingka amminrami pa'mai'nu mae ri ia, manna pole le'ba' mako para a'janji ri dallekanNa Allata'ala latuli majarre' mae ri ia.

MALEAKHI 2:16

Nakana Karaeng Allata'alana Israel, “Kukabirisi nikanaya passitallakkang. Birisikka' punna nia' tau ri kau a'gau' palla' kamma anjo mae ri bainenna. Jari katutui kalennu siagang tea sikaliko amminrai pa'mai'nu mae ri bainennu.”

MATIUS 19:5

Na le'ba'na Napare' Nakanamo, ‘Iaminjo saba'na nanabokoi anrong-manggena bura'-bura'nea namange a'jari se're siagang bainenna, sa'genna a'jari se'remi sipa'rua.’

MATIUS 19:7

Akkuta'nammi pole tu Farisia ri Ia angkana, “Punna paleng kamma, apa saba'na nanasuro taua Musa assarei sura' talla' bainenna punna natalla'?”

MARKUS 10:9

Iaminjo saba'na, na apa le'baka Napa'jari se're Allata'ala, takkulleai napasisa'la rupataua!”

ROMA 7:2

Akkullei nialle pangngebarang se'reang baine, niakamo bura'nenna: Ri wattu attallasa'naija bura'nenna, tassikko'iji mae ri bura'nenna anjo bainea situru' hukkunga. Mingka punna matemo anjo bura'nenna ta'lappasa'mi anjo bainea mae ri bura'nenna situru' hukkunga.

EFESUS 5:28

Kammatommi anjo tubura'-bura'nea, musti nakarimangngi bainenna, napasanrapang batangkalenna. Inai-nai angkarimangngi bainenna, sangkammami angkana batangkalenna nakarimangngi. (

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.