MATIUS 19:5 - KITTA' MATANGKASA'

⁵ Na le'ba'na Napare' Nakanamo, ‘Iaminjo saba'na nanabokoi anrong-manggena bura'-bura'nea namange a'jari se're siagang bainenna, sa'genna a'jari se'remi sipa'rua.’

MATIUS 19:5 ပူးပေါင်းရင်းမြစ်များ

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

1 KARAENG-KARAENG 11:2

Le'ba'mi Naparentakang Batara angkanaya takkulleai tu Israel assicampuru' a'bunting siagang anjo bansa-bansaya, nasaba' ke'nanga sallang a'jari passabakkang nanynyomba tu Israel mae ri rewata-rewata maraenganga. Mingka manna nakamma anjo, a'nikka tonjia Salomo siagang bai'-baine battu pantaraka.

PAMMUJI 45:10

Ri alla'na dayang-dayang balla' lompoa nia' ana'-ana' tulolonna karaeng. Ri sa'ri kanang empoang kala'biranga ammentengi bainenna karaeng ammake belo-belo bulaeng ti'no'.

PAMMUJI 63:8

saba' iKattemi le'ba' antulunga'; akkelong rannua' lalang la'lanna ka'nyitTa.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

MATIUS 19:6

Jari tenamo narua ke'nanga, mingka a'jari se'remi. Jari iaminjo saba'na naapa le'baka Napa'jari se're Allata'ala, takkulleai napasisa'la' rupataua.”

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

1 KORINTUS 6:16

Yareka tanuassengapi angkanaya inai-nai ampasiallei batangkalenna siagang baine ja'dalaka, a'jari se'remi batangkalenna siagang anjo baine ja'dalaka? Nasaba' nia' tattulisi' lalang ri Kittaka angkanaya, “Anjo ruaya a'jari se'remi.”

1 KORINTUS 7:2

Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.

1 KORINTUS 7:4

Bainea tena nakalenna koasa mae ri tubuna; mingka ia koasaya mae ri tubuna iamintu bura'nenna. Kammayatompa, bura'nea tena nakalenna koasa mae ri tubuna; mingka ia koasaya mae ri tubuna iamintu bainenna.

EFESUS 5:31

Nia' tattulisi' lalang ri Kittaka angkanaya, “Lanri kammanami anjo nalanabokoi anrong-manggena bura'nea, nampa a'jari se're siagang bainenna, nanjari se'remo anjo tau ruaya.”

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 11:22

Turuki siagang pa'mai' tamamminra sikontu hukkung kupabattua mae ri kau, iamintu: Kamaseangi Karaeng Allata'alanu, gaukangi sikontu apa Naparentakanga mae ri kau, siagang paralluko tuli tamamminra pa'mai' mae ri Ia.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

1 SAMUEL 18:1

Le'baki Saul siagang Daud a'bica'-bicara, niangka'mi Daud ri Saul a'jari pagawena. Nappakkaramula anjo alloa tenamo nipa'biangi ammotere' mange ri balla'na tau toana. Yonatan, ana'na Saul, nalangngereki anjo pambicaranga. Sanna' todong ngangaina anjo Daud, siagang nakamaseangi sangkamma batangkalenna.

1 SAMUEL 25:43

Rioloannaya anjo Daud le'ba'mi a'nikka siagang Ahinoam battu ri Yizreel, nampa anjo wattua Abigail a'jari tommi bainenna.