MATIUS 19:28 - KITTA' MATANGKASA'

²⁸ Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 19:28 ပူးပေါင်းရင်းမြစ်များ

1 KARAENG-KARAENG 18:31

Angngallei sampulo anrua batu. Massing tasse'rea batu nawakkeli kalase'renna sampuloa anrua suku turunganna Yakub, iamintu tu nisarea areng Israel ri Batara.

2 PATTOTTORANG 9:19

Ri cappa' kairinna siagang cappa' kananna sikamma anjo baringanga massing nia' patung singa, yangasenna nia' 12 patung. Tena le'bakai nia' kadera kammaya anjo manna pole ri kakaraengang kemae.

EZRA 6:17

Lalang anjo wattua assaremi ke'nanga passare mae ri Batara, iamintu 100 kayunna sapi laki, 200 kayunna gimbala' laki, siagang 400 kayunna ana' gimbala'. Na untu' koro'bang ri nipammopporanna dosaya nipassareang tommi sampulo anrua bembe laki, tassikayu massing tasse'rea suku Israel.

KALAPPASSANG 15:27

Le'baki anjo battumi ke'nanga mange ri se'reang tampa' niarenga Elim. Anjoreng nia' sampulo anrua timbuseng je'ne' siagang tujupulo poko' korma. Appare'mi ke'nanga kema ri ampi'na anjo je'neka.

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

KALAPPASSANG 28:21

Ri tunggala' paramataya musti niukiriki massing arenna tasse'rea suku battu ri anjo sampuloa anrua ana'na Yakub, untu' a'jari pammatei siagang pappiu'rangi mae ri suku-suku Israel.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

KAIMANGNGANG 24:5

Angngalleko sampulo anrua kilo labu' kaminang baji' nampa apparekko sampulo anrua roti a'bo'dong, massing tasse'rei kilo labu' lalanna sibatua.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 19:27

Nakanamo Petrus, “Kicini' minne, ikambe nibokoi ngasemmi sikamma apa niaka ri kambe lanri erotta amminawang ri Katte. Na apa sallang lanagappa ikambe?”

MATIUS 20:21

Akkuta'nammi Isa Nakana, “Apa nukaeroki?” Appialimi anjo bainea nakana, “Punna a'jari KaraengKi' sallang kupalaki naKipaempo anne anakku ruaya, se're ri kairinTa na se're ri kananTa.”

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MARKUS 10:37

Appialimi ke'nanga angkana, “Eroki kambe ammempo ri sa'ri kananTa siagang ri sa'ri kairinTa punna ammempoKi' ri empoang kala'biranTa.”

LAMPA-LAMPANA 3:21

Musti ammantangi ri suruga sa'genna le'ba' ngaseng Napa'jari beru linoa Allata'ala, situru' apa le'baka Napattantu Allata'ala lalang ri na'bi-na'biNa ri jammang riolo.

2 TIMOTIUS 2:12

Punna tuli sa'barakki' lammarenta tommaki' siagang Ia. Punna tanitarimayai, talaNatarimaya tommaki'.

YOSUA 3:12

Kamma-kamma anne paralluko ammile sampulo anrua tau, iamintu tasse'rei battu ri massing suku bansa Israel.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

PAPPICINI' 11:16

Jari su'ju'mi anynyomba ri dallekanNa Allata'ala anjo ruampuloa angngappa' pamimping, niaka ammempo ri empoang kala'biranna ke'nanga.

PAPPICINI' 12:1

Nampa nia' nicini' ri langika apa-apa sannaka appakalannasa'na. Nia' sitau baine ammakeang mataallo ammenteng irate ri bulanga. Ri ulunna nia' songko' niaka bintoenna sampulo anrua.

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”

PAPPICINI' 22:2

angngoloa ri tangnga-tangngana agang lompona anjo kotaya. Ri biring pimbali-baliNa anjo binangaya, nia' poko' katallassang, pissampuloa anrua a'rappo lalanna sitaung, iamintu sikali sibulang. Leko'na nipakei untu' amballei bansa-bansaya.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

PAPPICINI' 7:4

Nampa nipauamma' angkanaya nia' 144.000 jaina tau nisare pammatei segele' battu ri Allata'ala ri kanynyinna ke'nanga. Anjo taua niallei battu ri sampuloa anrua suku bansa Israel;