MATIUS 19:24 - KITTA' MATANGKASA'

²⁴ Siagang Kukana pole ri kau ngaseng; la'bi akkulleangangi sikayua unta antama' ri so'bolo' jarunga kala tau kalumanynyanga lantama' ri Lino BeruNa Allata'ala.”

MATIUS 19:24 ပူးပေါင်းရင်းမြစ်များ

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

MATIUS 19:25

Lannasa' ngasemmi ana'-ana' gurunNa Isa nalangngere'na akkana kamma Isa. Nakanamo ke'nanga, “Punna paleng kamma, jari inai mami akkulle salama'?”

MATIUS 19:26

Nicinikimi ke'nanga ri Isa; nampa Nakana Isa ri ke'nanga, “Anjo tena memang nantama' ri akkala'na rupataua. Mingka tena tamakkulle punna Nakaerokang Allata'ala.”

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

LUKAS 18:25

Lomoangangi sikayua unta antama' ri so'bolo' jarunga, kala sitaua tu kalumanynyang antama' ri Lino BeruNa Allata'ala.”

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?