MATIUS 19:15 - KITTA' MATANGKASA'

¹⁵ Naangka'mi limanNa Isa naNabarakkaki ngaseng anjo ana'-anaka. Le'baki anjo a'lampami ambokoi anjo tampaka.

MATIUS 19:15 ပူးပေါင်းရင်းမြစ်များ

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

MATIUS 19:14

Nakanamo Isa ri ana'-ana' gurunNa, “Lappassangi namae ri Nakke anjo ana'-anaka, teako pisangkai. Nasaba' tau kammayami anne la'jari umma'Na Allata'ala.”

MATIUS 19:16

Ri se'reang allo, nia' se're tau bura'ne battu mae ri Isa angkana, “O Guru, panggaukang apa baji' kugaukang sollanna akkulle kugappa katallassang sitojennaya siagang mannannunganga?”

MARKUS 10:16

Le'baki akkana kamma Isa, Naraka'mi anjo ana'-anaka, nampa massing Napadongkoki lima naNabarakkaki ngaseng ke'nanga.

1 KORINTUS 7:14

Nasaba' bura'ne tenaya natappa' a'jari nipassiratangi ri Allata'ala, a'jari umma'Na Allata'ala lanri pa'buntinganna siagang anjo baine a'jariamo umma'Na Allata'ala. Kammayatompa, anjo baine tenayapa natappa', akkullei a'jari nipassiratang a'jari umma'Na Allata'ala, lanri pa'buntinganna siagang anjo bura'ne a'jariamo umma'Na Allata'ala. Punna takammaya, anjo ana'-ana'na ke'nanga tantu la'jari sangkammai ana'-ana' kapereka, padahala' anjo ana'-anaka nipasanrapangi anggota umma'Na Allata'ala.

2 TIMOTIUS 3:15

Musti nuu'rangi angkanaya battu ri ca'dinu iji nanuassennamo Kittaka. Anjo Kittaka akkulleko nasare pangngassengang untu' anggappai kasalamakkanga tete ri katappakkang mae ri Isa Almasi.