MATIUS 19:14 - KITTA' MATANGKASA'

¹⁴ Nakanamo Isa ri ana'-ana' gurunNa, “Lappassangi namae ri Nakke anjo ana'-anaka, teako pisangkai. Nasaba' tau kammayami anne la'jari umma'Na Allata'ala.”

MATIUS 19:14 ပူးပေါင်းရင်းမြစ်များ

PA'JARIANG 21:4

na ri wattunna narapi' sagantuju allo umuru'na Ishak, nasunna'mi Abraham anjo anaka situru' parentaNa Allata'ala.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MATIUS 18:3

Nampa Nakana Isa, “Patappaki anne kanangKu! Punna a'jari kammako anne ana'-anaka, nampa mako akkulle a'jari umma'Na Allata'ala.

MATIUS 19:15

Naangka'mi limanNa Isa naNabarakkaki ngaseng anjo ana'-anaka. Le'baki anjo a'lampami ambokoi anjo tampaka.

MATIUS 5:10

Mate'nei tau nisessaya lanri nagaukanna ero'Na Allata'ala; nasaba' iami a'jari umma'Na Allata'ala!

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

MARKUS 10:14

Nacini'na Isa anjo kammaya, larromi Isa ri ana'-ana' gurunNa. Nakana ri ke'nanga, “Lappassangi anjo ana'-anaka battu mae ri Nakke! Teako pisangkai, nasaba' tau kammaya ngaseng minne a'jaria umma'Na Allata'ala.

MARKUS 10:15

U'rangimi anne! Inai-nai tena na'jari sanrapang anne anaka andallekang ri Allata'ala, takkulleai a'jari umma'Na Allata'ala.”

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

HAKING-HAKING 13:7

Mingka nakana ri nakke angkana latiananga' siagang langgappa sitau ana' bura'ne. Nakanamo pole angkana takkullea' angnginung anggoro' yareka inungang terasa', yareka angnganre apa-apa harang. Nasaba' anjo anaka musti nipassareangi mae ri Allata'ala untu' a'jari tu attinja' ri sikontu tallasa'na.”

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 1:22

Mingka anjo wattua tamminawangai Hana. Nakana ri bura'nenna, “Le'bappi sallang nisa'la' susu nampa kuerang Samuel mange ri Balla'Na Batara, nammantammo anjoreng lalang sikontu tallasa'na.”

1 SAMUEL 1:24

Le'baki nisa'la' anynyusu Samuel, niantara'mi ri amma'na mange ri Balla'Na Batara ri Silo. Anjo wattua ca'di dudu iji Samuel. Angngerang tommi Hana sikayu sapi laki umuru' tallun taunga, gandung sampulo kilo battala'na, siagang sipammoneang rassia anggoro'.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.