MATIUS 19:10 - KITTA' MATANGKASA'

¹⁰ Jari angkanami ana'-ana' gurunNa Isa ri Ia, “Punna kammaja anjo pakkalabinianga, bajikangangi tenaya na'bunting taua.”

MATIUS 19:10 ပူးပေါင်းရင်းမြစ်များ

PA'JARIANG 2:18

Nampa Nakana Karaeng Allata'ala, “Tabajikai taua attallasa' kale-kalenna. LappareKa' se're parekang aganna ia cocoka ri ia untu' ambantui.”

PANGNGEBARANG 18:22

Tau anggappaya anrong ana', anggappai passawallang; anrong anaka iami passareNa Batara.

PANGNGEBARANG 21:19

Bajikangngangi ammantanga ri parang luaraka, kala sipammantangnganga siagang baine nangaia a'moro-moro siagang a'larro-larro.

PANGNGEBARANG 21:9

La'bi sannangi taua ammantang ri panyingkulu'na lotenga kala assiballaka siagang baine pabesereka.

MATIUS 19:11

Appialimi Isa Nakana, “Tayangasenga taua akkulle antarimai anne Kupaua, pantaranganna tau le'bakamo Napattantu Allata'ala.

MATIUS 19:9

Jari, pilangngerimi anne: Inai-nai antallaki bainenna – nateaija passala' a'gau' salimara' – na ribokoanganna na'baine poleang baine maraeng, a'gau' salimara' minjo taua.”

1 KORINTUS 7:8

Iaminne pappakaingakku mae ri tau tenayapa na'bunting siagang tau jandayamo: Bajikangangi punna akkale-kale tuli mako sangkamma inakke.

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.