MATIUS 18:32 - KITTA' MATANGKASA'

³² Nisuro kio'mi ri karaenga anjo ata kodi sipaka na nakana karaenga ri ia, ‘E kau ata kodi sipaka! Kubilang lappasa' ngasemmi inrannu lanri appala' tulungko ri nakke.

MATIUS 18:32 ပူးပေါင်းရင်းမြစ်များ

MATIUS 18:27

Tu'guru'mi pangngamaseanna anjo karaenga, sa'genna nabilang lappasa' ngasemmo inranna anjo atanna.

MATIUS 18:31

Nacini'na ata-ata maraenga anjo apa kajarianga, si'nami atinna ke'nanga. Mangemi ke'nanga ampabattui ri karaenga anjo apa kajarianga.

MATIUS 18:33

Maka tasiratangai nukamaseang anjo agannu sangkamma todong batenu kukamaseang?’

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

LUKAS 19:22

Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!