MATIUS 18:24 - KITTA' MATANGKASA'

²⁴ Wattunna appakkaramula ammaressa, nia'mo sitau atanna nierang mange ri dallekanna, a'juta-jutaya inranna.

MATIUS 18:24 ပူးပေါင်းရင်းမြစ်များ

PA'JARIANG 44:10

Nakanamo anjo palayanga, “Baji'mi. Mingka iaji bawang anjo nipanggappaya la'jari atangku. Maraenganga akkullei a'lampa.”

1 PATTOTTORANG 29:7

Nampa massing-massing assaremo ke'nanga sumbangang untu' anjo pambangunanna Balla'Na Batara, iamintu: bulaeng la'bi 170 tong battala'na, pera' la'bi 340 tong battala'na, parunggu a'biringi 620 tong battala'na, siagang bassi la'bi 3.400 tong battala'na.

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

PAMMUJI 40:12

O, Batara, teaKi' ammari angkamaseanga'; tuli Kijagaia' siagang pangngamaseanTa na tamamminraTa.

MATIUS 18:23

Nasaba' punna ammarentamo Allata'ala, lakammai anne pangngebaranna: Nia' se're karaeng ero' assuro lappasi inranna ata-atanna.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

MATIUS 25:15

Massing nasaremi anjo palayanna situru' massing pakkullena. Anjo se'rea nasarei limassa'bu doe' ringgi' bulaeng. Maka ruaya nasarei ruassa'bu doe' ringgi' bulaeng. Na makatallua nasarei sisa'bu doe' ringgi' bulaeng. Le'baki anjo a'lampami.

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.

MATIUS 25:20

Battumi anjo palayang annarimaya limassa'bu doe' ringgi' bulaeng, nampa nasare anjo karaenga anjo doeka sampuloa sa'bu. Na nakana ri karaenga, ‘O, karaeng, limassa'bu doe' ringgi' bulaeng le'ba' kisareanga'. Kicini' minne, nia' kugappa limassa'bu passawallang.’

MATIUS 25:22

Nampa battu tommi anjo palayang annarimaya ruassa'bu doe' ringgi' bulaeng. Nakana ri karaenga, ‘O karaeng, ruassa'bu doe' ringgi' bulaeng le'ba' kisareanga'. Kicini' minne, nia' kugappa ruassa'bu passawallang.’

MATIUS 25:24

Battu tommi anjo palayang annarimaya sisa'bu doe' ringgi' bulaeng. Nakanamo ri karaenga, ‘O karaeng, kuassengki' angkanaya ikatte tau sekkekki'. Angngalleki' rappo-rappoang battu ri poko'-poko' takilamunga; siagang angngalleki' wassele' ri tampa' tenaya naikatte allamungi bine.

LUKAS 13:4

Jari antekamma anjo tau sampuloa assagantuju, matea todong ri balang Siloam ri wattunna niutungi ke'nanga ri rumbanna cappa'na manaraya? Nukana iaminjo a'jari pammatei angkanaya lompoangangi dosana ke'nanga na sikontu tau maraenga, niaka ammantang ri Yerusalem?

LUKAS 16:5

Jari nakio' ngasemmi sikamma tau kainranganga ri karaenna. Ri wattunna nia'mo battu sikamma tau kainranganga nakanamo ri makase'rea, ‘Siapa jaina inrannu ri karaengku?’

LUKAS 16:7

Nampa nakana mae ri tau makaruaya, ‘Na ikau siapa jaina inrannu?’ Appialimi anjo taua nakana, ‘Sisa'bu karung gandung.’ Nakanamo anjo pagawena ammolika doe', ‘Allei anne sura' pangnginrangannu. Sambei a'jari sagantuju bilangngang.’