MATIUS 18:22 - KITTA' MATANGKASA'

²² Appialimi Isa Nakana, “Tena, tena napintujuja, mingka pintujui ri pintujupuloa!

MATIUS 18:22 ပူးပေါင်းရင်းမြစ်များ

PA'JARIANG 4:24

Punna tuju tau nibuno untu' ambalasaki lanri nibunona Kain, jari tujupulo tau lanibuno punna nibunoa'.”

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!

MATIUS 18:23

Nasaba' punna ammarentamo Allata'ala, lakammai anne pangngebaranna: Nia' se're karaeng ero' assuro lappasi inranna ata-atanna.

MARKUS 11:25

Siagang punna appala' doangko, mingka tena nasannang nyawanu ri se'reang tau, pammopporangi rolong anjo taua, sollanna Napammopporang tongi Manggenu ri suruga dosa-dosanu. [

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

KOLOSE 3:13

Musti sa'barakko mae ri parannu tau, siagang massing sipammopporangko punna sipammolikangko larro mae ri parannu tau. Nangaiko Napammopporang Batara; jari musti ero' tongko massing sipammopporang.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.