MATIUS 18:17 - KITTA' MATANGKASA'

¹⁷ Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

MATIUS 18:17 ပူးပေါင်းရင်းမြစ်များ

EZRA 6:21

Anjo koro'banga nikanre ngasemmi ri sikontu tu Israel, ia ammotereka battu ri pammelakkanga, kammayatompa sikamma pandudu' niaka ri anjo pa'rasanganga, ia tobakamo ri dosana siagang erokamo battu anynyomba ri Batara, Allata'alana Israel.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

MATIUS 10:3

Nampa Filipus siagang Bartolomeus, Tomas siagang Matius pasingara' simaya; kammayatompa Yakobus ana'na Alfeus, siagang Tadeus;

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

MATIUS 5:46

Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?

MATIUS 6:7

Na punna assambayangko, tea' mako la'bu dudui bicarannu, sangkamma tau kapereka. Nasaba' napikkiriki anjo tau kapereka angkanaya punna la'bu sambayanna, iaminjo lanitarima ri Allata'ala.

LUKAS 15:1

Ri se'reang allo, jai pasingara' sima siagang tau nicini' kodi sipaka ri tau jaia, battu ampilangngeri Isa angngajara'.

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.

1 KORINTUS 5:9

Kupaumi lalang ri surakku allaloa, sollanna tena nanuassileo' siagang tau nangaia a'gau' bawang.

1 KORINTUS 6:1

Angngapa nunia' barani a'lampa mae ri haking tenaya natappa' ri Allata'ala antuntuki parannu tau tappa' ri Allata'ala, punna assisala pahangko siagang ia? Angngapa natena numae ri umma'Na Allata'ala ampassilolongangi?

2 TESALONIKA 3:6

Sikamma sari'battangku, lanri koasaNa Batara Isa Almasi, kikellai ngasengko sollanna nupakabella kalennu battu ri tau a'mala'-malasaka, siagang tau taeroka anturuki pangngajarang napabattua ikambe mae ri ke'nanga.

1 TIMOTIUS 6:5

siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.