MATIUS 18:12 - KITTA' MATANGKASA'

¹² Alarapanna, nia' sitau ammallaki sapi sibilangngang kayunna. Na punna tappela' sikayu, maka apa lanagaukang anjo taua? Antekamma panggappanu? Mattantu lanaboliki anjo sapinna salapampuloa assalapang ri bontoa, nampa a'lampa amboyai anjo sapinna sikayua tappelaka.

MATIUS 18:12 ပူးပေါင်းရင်းမြစ်များ

1 KARAENG-KARAENG 21:17

Nakanamo Batara ri Elia, anjo na'bi battua ri Tisbe,

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YEREMIA 50:6

UmmakKu rapangi gimbala' le'baka nilappassang lingu ri monconga ri pakalawakinna. Pitilampa-lampaimi ke'nanga battu ri moncong se'rea mange ri moncong maraenga siagang tanaassengami angkana kemae balla'na ke'nanga.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

YEHEZKIEL 34:28

Tenamo nalaniella' ke'nanga ri bansa-bansa tenaya natappa' ri Nakke, yareka nikokko' ri olo'-olo' sekke'. Lattallasa' salewangangi ke'nanga, siagang tenamo manna sitau lampakamallaki ke'nanga.

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

YEHEZKIEL 34:6

Jari pitilampa-lampaimi sikamma gimbalakKu ri bulu'-bulu' tinggia siagang sikamma monconga. Tassiaraki ke'nanga mange ri sikontu buttaya, tena manna sitau amparhatikangi yareka amboyai ke'nanga.

MATIUS 12:11

Appialimi Isa nakana, “Ebara' angkana nia' ri kau ammallaki sikayu gimbala', nampa tu'guru' anjo gimbala'na naung ri kali'bong lantanga ri allo Pammari-marianga, maka taerokako ampanaiki anjo gimbalaka battu ri kali'bonga lanri kaallo Pammari-mariangi?

MATIUS 18:13

Tappa' mako angkanaya, punna nabuntulu'mo ammotere' anjo sapinna sikayua, lalompoangangi rannuna ri anjo sapi sikayua kala ri anjo sapi salapampuloa assalapang kayunna, tenaya natappela'.

MATIUS 21:28

Nakanamo pole Isa, “Nia' sitau bura'ne, nia' ana'na bura'ne rua. Nakanamo ri ana'na toaya, ‘Na', a'lampako anne alloa anjama ri koko anggoroka.’

MATIUS 22:42

“Antekamma panggappanu ngaseng ri passala'na Karaeng Mappasalamaka? Sossorang battu ri nai?” Appialimi ke'nanga angkana, “Sossorang battu ri Daud.”

1 KORINTUS 10:15

Kupaumi anne mae ri kau ngaseng, kubilanga tau cara'de' annimbang bicara. Parallui nupikkiri' baji'-baji' anne bicara kupaua.

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.