MATIUS 18:10 - KITTA' MATANGKASA'

¹⁰ “Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

MATIUS 18:10 ပူးပေါင်းရင်းမြစ်များ

2 SAMUEL 14:28

Ruan taummi Absalom ammantang ri Yerusalem, mingka tena le'bakapi sibuntulu' siagang karaenga.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

ESTER 1:14

Ia tumailalang kaminang masarroa nikio' ri karaenga iamintu: Karsena, Setar, Admata, Tarsis, Meres, Marsena, siagang Memukan. Anne ke'nanga sangnging tumailalang ri Persia siagang Media, kaminang tinggia pangka'na lalang ri kakaraenganga.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

PAMMUJI 91:11

Nasuroi Allata'ala malaeka'Na anjagaiko, untu' alla'langngiko manna kemae lampanu.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 12:20

TalaNata'bangai bulo ta'dundua TalaNabunoai kanjoli ca'dia rinrana. Lappattujuangi sa'genna a'rupa kaadelanga;

MATIUS 18:14

Kamma tomminjo Manggenu ri suruga. Tena Nakellai kalase'renna anne tau beru tappaka ri Nakke sala oloang.”

MATIUS 18:6

“Inai-nai a'jari saba' natenamo natappa' ri Nakke tau ca'di kammaya anne, bajikangangi punna nigentungi batu kallonna nampa nitallangngang naung ri tamparanga.

MATIUS 2:13

Ammotere'namo anjo tucara'deka accini' bintoeng, nia'mi pole malaeka'Na Batara ampappicinikangi kalenna lalang so'na mae ri Yusuf. Nakana anjo malaekaka, “Eroki nasuro boya siagang nasuro buno Herodes antu Anaka. Jari ambangungko nai', erangi antu Anaka siagang amma'Na mange accokko ri Mesir. Ammantang mako anjoreng sa'gennu Kusare poleang kabara'.”

MATIUS 2:19

Ri wattunna matemo Herodes, ri nia'na ija Yusuf siagang anjo Anaka siagang amma'Na ri butta Mesir, nia'mi pole malaeka'Na Batara battu ampappicinikangi kalenna lalang so'na ri Yusuf.

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 16:22

Tena nasallo, matemi anjo tau kasi-asia. Nierammi ri malaekaka mange ri tampa' kaminang la'birika, iamintu ri sa'rinna Abraham ri suruga. Tena nasallo pole, mate tommi anjo tau kalumanynyanga nanitarawang.

LAMPA-LAMPANA 10:3

Ri se'reang allo, kira-kira tette' tallu ri karuenga, nia'mo nacini' a'nyata sikali lalang pappiso'na, sitau malaeka'Na Allata'ala battu angkioki nakana, “Kornelius!”

LAMPA-LAMPANA 12:15

Nakanamo ke'nanga, “Pongorokko antu!” Mingka attojeng-tojemmi Rode angkana ma'nassa Petrus tojeng anjo pantarang. Jari nakanamo ke'nanga, “Malaeka'naji anjo!”

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

LAMPA-LAMPANA 27:23

Nasaba' ri bangngia niaki malaeka'Na Allata'ala battu mae ri nakke, iamintu Allata'ala kusombaya, Allata'ala makoasaya mae ri kalengku.

LAMPA-LAMPANA 5:19

Mingka ri wattu lantanna bangngia, battumi malaeka'Na Batara assungke ngasengi pakke'bu'na anjo tarungkua, nampa naerang anjo sikamma tunisuroNa Allata'ala assulu'. Nakanamo anjo malaekaka mae ri sikamma anjo tunisuroNa Allata'ala.

ROMA 14:10

Jari, sikamma sari'battangku! Apa saba'na nanupasala sari'battang julu tappa'nu? Siagang apa saba'na nanucini' tunai? Ikatte anne lamange ngasenjaki' andallekang nakiniadeli ri dallekanNa Allata'ala.

ROMA 14:21

Bajikangang teako angnganrei dageng yareka teako angnginungi anggoro' yareka teako anggaukangi apa-apa mamo, punna passabakkang ia anjo na'jari doraka sari'battang julu tappa'nu.

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

1 KORINTUS 11:22

Angngapa nakkulle kamma? Sai massing nia' balla'nu? Akkulleko angnganre angnginung massing ri balla'nu. Yareka erokko anghinai jama'aNa Allata'ala siagang ampakasiriki tu kasi-asia? Jari apa musti kukana ri kau ngaseng? Musti kupujiko? Tena! Tena sikali nalakupujiko!

1 KORINTUS 16:11

Gassingka nia' tau tanjampangiai. Bantui sollanna akkulle napannarrusu' pa'lampanna ammotere' mae ri nakke siagang salama'; nasaba' kutayangi kabattuanna siagang sari'battang maraenganga.

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

2 KORINTUS 10:10

Lanakana kapang taua, “Sanna' terasa'na siagang sanna' baji'na sura'-sura'na Paulus. Mingka punna kalenna nia' ri tangnga-tangngata, lamma sikaliji siagang tena nasiapa pau-pauna!”

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 TIMOTIUS 4:12

Teako pa'biangi kalennu nicini' tuna lanri rungkanu ija. Mingka paralluko a'jari conto mae ri sikontu tau tappaka ilalang ri pau-paunu, panggaukannu, katappakkannu, pangngamaseannu, kammayatompa katangkassanna katallassannu.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

PAPPICINI' 8:2

Nampa kucini' anjo tujua malaeka' ammentenga ri dallekanNa Allata'ala, siagang nisarei ke'nanga tuju tarompe'.