MATIUS 17:9 - KITTA' MATANGKASA'

⁹ Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

MATIUS 17:9 ပူးပေါင်းရင်းမြစ်များ

MATIUS 12:16

Mingka Napisangkaimi ke'nanga ancaritai anjo apa Nagaukanga Isa mae ri tau maraenga.

MATIUS 17:12

Mingka Kukana ri kau ngaseng, battumi Elia mingka tena niassengi ri taua. Sangka' rupami nigaukangi ri ke'nanga. Na kammatommi anjo lanagaukangangi ke'nanga Ana' Ma'rupataua.”

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

MATIUS 17:22

Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.

MATIUS 17:23

Lanibunoi, mingka lambangung poleangi ri makatalluna alloa.” Jari sanna' ngasemmi si'nana atinna ana'-ana' gurunNa.

MATIUS 17:8

Assailena ke'nanga, tenamo tau maraeng nacini' pantaranganna Isa.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MATIUS 8:4

Le'baki anjo Nakanamo pole Isa ri anjo taua, “U'rangi! Tea' laloko caritai anne kajarianga manna pole ri nai. Mingka a'lampamako mange ri imanga, na nusuro paressa kalennu ri ia. Le'baki anjo, a'lampamako mange assare koro'bang situru' napassuroanga Musa; iaminjo a'jari butti ri taua angkanaya ma'nassa baji' mako ri garrinnu!”

MARKUS 8:30

Nampa nipakainga'mo ke'nanga ri Isa, sollanna tena nanapappiassengangi ke'nanga KalenNa Isa ri taua, manna pole ri nai.

LUKAS 8:56

Lannasa' sikalimi tau toana anjo anaka. Mingka Napisangkaimi Isa ke'nanga ampaui anjo apa kajarianga manna pole ri nai.

LUKAS 9:36

Ammarinamo kalangngerang anjo sa'raya, nacini'mi ke'nanga Kale-kalenNa mami Isa anjoreng. Tenamo nakkana-kana ana'-ana' gurunNa Isa siagang tanapauami manna pole ri nai anjo passalaka siagang kajariang le'baka nacini' ke'nanga.