MATIUS 17:21 - KITTA' MATANGKASA'

²¹ Mingka anne roh ja'dala' kammaya pappala' doangang siagang puasaji bawang akkulle ampasuluki.]”

MATIUS 17:21 ပူးပေါင်းရင်းမြစ်များ

1 KARAENG-KARAENG 17:20

nampa akkio' lompo appala' doang angkana, “O Batara, Allata'alaku, angngapa naKipabattu anne balaya mae ri anne jandaya? Nasarema' tampa' untu' annompang, nampa kamma-kamma anne Kibunoi ana'na!”

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

MATIUS 12:45

Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

MATIUS 17:22

Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.

MARKUS 9:29

Appialimi Isa Nakana, “Anjo setang kammaya takkulleai nibongka manna pole antekamma carana, pantaranganna appala' doanga.”

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.