MATIUS 17:20 - KITTA' MATANGKASA'

²⁰ Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

MATIUS 17:20 ပူးပေါင်းရင်းမြစ်များ

MATIUS 13:31

Napaccaritammi pole Isa se're pangngebarang anjo tau jaia. Nakana, “Punna ammarenta Allata'ala, pangngebaranna lakammaminne: Nia' silisere' parekang lamungang ca'di dudu nialle ri se'reang tau, nampa nalamung ri kokonna.

MATIUS 14:29

Appialimi Isa Nakana, “Battu mako mae.” Jari naummi Petrus battu ri biseanga, a'jappa irate ri tompo'na je'neka, ero' mange ri Isa.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 17:19

Ri wattunna kale-kalenna mami Isa, battumi ana'-ana' gurunNa akkuta'nang ri Ia angkana, “O Bapa', apa saba'na nakitakkullea anne ikambe ambongkai roh ja'dalaka?”

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

MATIUS 21:21

Appialimi Isa Nakana, “Sitojeng-tojenna, punna tappakko natena nubata-bata, akkulle ngaseng tongko anggaukangi anjo apa le'baka Kugaukang mange ri poko' araya. Ba'lalo teai anjo bawang. Lakkulleko pole angkana ri anne bontoa, ‘Ta'angkakko, nutassambila naung ri tamparanga’; nalakamma tojeng-tojeng anjo kajarianna.

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

MARKUS 11:22

Appialimi Isa Nakana, “Tappa' mako ri Allata'ala.

MARKUS 11:23

Kapunna tappakko ri Allata'ala, akkulleko angkana ri anne bontoa, ‘Ta'angkakko nutassambila antama' ri tamparanga!’ Tena tanipa'jariannu, assala' tena nubata-bata siagang tappakko angkanaya lakajariang tojeng-tojengi numinasaia.

MARKUS 4:31

Punna ammarenta Allata'ala kammaminne pangngebaranna: Nia' silisere' parekang lamungang sannaka ca'dina lisere'na. Iaminjo lisere' rappo kayu kaminang ca'dia ri lino. Na nia'mo sitau angngallei anjo lisere' kaminang ca'dia, nampa nalamung.

MARKUS 9:23

Appialimi Isa Nakana, “Apa kanannu? Punna akkulleKi'? Yangaseng-ngasenna akkullei, assala' tappa' taua!”

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

LUKAS 17:6

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

LUKAS 18:27

Appialimi Isa Nakana, “Apa tenaya nantama' ri akkala'na rupataua, tena tama'jari punna Naerokang Allata'ala!”

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

1 KORINTUS 12:9

Ia tonji anjo Roh se'rea assarei taua pakkulle lompo untu' matappa' mae ri Almasi, nampa Ia tonji pole assarei tau maraenganga pakkulle untu' amballei taua.

1 KORINTUS 13:2

Manna pole cara'deka' ampabattui biritta battua ri Allata'ala, siagang kupahang apa-apa sukkaraka, kupahang baji' ngaseng apa-apaya, kammayatompa sanna' lompona tappakku mae ri Allata'ala sa'genna akkulle kupalette' buluka, mingka tena kumangngamaseang mae ri parangku tau, a'jari tena sikalimo matu-matungku!

IBRANI 3:19

Kamma-kamma anne nipahammi angkanaya takkulleai ke'nanga antama', lanri tenana natappa' ke'nanga mae ri Allata'ala.