MATIUS 17:17 - KITTA' MATANGKASA'

¹⁷ Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 17:17 ပူးပေါင်းရင်းမြစ်များ

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 16:28

Nakanamo Batara mae ri Musa, “Siapapi sallonu taeroka mannuruki ri sikamma parentaKu?

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 6:9

Sa'genna siapa sallona anjo tau malasaka latinro? Angngapapi nambangung?

YESAYA 19:14

Batarami ampa'jari ke'nanga assarei pappakainga' appakalingu. Kale'bakkanna sala ngasemmi apa nagaukanga Mesir, ta'royong-royommi rapang tau nasa'ring, ta'laccirika rate ri langngena tonji.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMILANGNGANG 14:27

“Kemae sa'genna anjo sikamma tau ja'dalaka tuli la'moro-moro mae ri Nakke? Sikontu kunrarenna ke'nanga Kulangngere' ngasemmi.

MATIUS 13:58

Jari tenamo Naero' Isa appare' gau' appakalannasa' anjoreng, lanri tenana natappa' ke'nanga ri KalenNa.

MATIUS 16:8

Mingka Naassengi Isa anjo apa nabicaraya ke'nanga. Jari angkanami, “Angngapa napassala' tenana roti massing nubicara? Tena ngaseng najarre' tappa'nu!

MATIUS 17:16

Le'ba'mi kuerang mange ri ana'-ana' gurunTa, mingka tanakulleai ke'nanga amballei.”

MATIUS 17:18

Nampa Nabongka Isa anjo roh ja'dalaka battu lalang ri kalenna anjo anaka. Assulu'mi anjo roh ja'dalaka, na'jari baji'mo anjo anaka silalonna.

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

MARKUS 16:14

Kala'busanna Napappicikammi KalenNa Isa mae ri sampuloa asse're ana' gurunNa, sitabanna angnganre ke'nanga. Napakainga'mi ke'nanga lanri kurang tappa'na ke'nanga, siagang lanri sukkara'na tappa' ke'nanga mae ri tau le'baka anciniki angkanaya le'ba'mi attallasa' poleang Isa.

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

LUKAS 24:25

Nakanamo Isa ri ke'nanga, “Dongo' ngaseng memang tongko! Sallo sikali nampa akkulle nupatappa' sikamma apa le'baka napau na'bi-na'bia!

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”

YOHANES 20:27

Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

LAMPA-LAMPANA 13:18

Sa'baraki Allata'ala anciniki gau'-gau'na ke'nanga ri wattunna a'jappa ke'nanga patampulo taung sallona ri parang lompoa.

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

2 KORINTUS 11:1

Boli'mi kamma kupa'jari dongo' rolong kalengku sike'de'. Sai akkulleji?

PAOLE 32:5

Mingka ikaumi bansa tenaya namajarre' pa'mai'nu, bansa jaia jekkonna siagang dosana, tenayamo nanibilangngi umma'Na.