MATIUS 17:15 - KITTA' MATANGKASA'

¹⁵ Angkanami anjo taua, “O Bapa', Kikamaseang laloi anakku. Natabai garring mate-mate jangang. Nateai sipato' sanna'na garrinna. Pammate sanna'na garrinna sa'genna biasai tu'guru' antama' ri pepeka yareka antama' ri je'neka.

MATIUS 17:15 ပူးပေါင်းရင်းမြစ်များ

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

MATIUS 17:16

Le'ba'mi kuerang mange ri ana'-ana' gurunTa, mingka tanakulleai ke'nanga amballei.”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

LUKAS 6:18

Battumi ke'nanga ero' ampilangngeri kana-kananNa Isa, siagang ero' assuro ballei kalenna. Kammayatompa tau nasosoka setang nia' tommi battu, naniballei tommo, sa'genna baji' poleang.

YOHANES 18:2

Naassengi Yudas (ampasikongkolangai Isa) anjo tampaka; nasaba' biasami a'rappungang Isa siagang ana'-ana' gurunNa anjoreng.