MATIUS 17:1 - KITTA' MATANGKASA'

¹ Annangallo ribokoanganna, Naerammi Isa i Petrus, Yakobus siagang sari'battanna iamintu Yohanes, mange akkale-kale ri se'reang moncong tinggi.

MATIUS 17:1 ပူးပေါင်းရင်းမြစ်များ

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

MATIUS 26:37

Naerang tommi Petrus siagang ruaya ana'na Zebedeus. Paccemi siagang si'na sikalimi Nasa'ring pa'mai'Na.

MARKUS 13:3

Nampa a'lampa Isa mange ri Bonto Zaitun, nammempo ri tampa' sidallekanga siagang Balla'Na Batara. Battumi Petrus, Yakobus, Yohanes siagang Andreas angngagangi a'bicara kale-kalenna.

MARKUS 5:37

A'jappa tulusuki Isa, mingka tena Napa'biangi taua amminawang, pantaranganna Petrus siagang Yakobus na Yohanes sari'battanna.

LUKAS 8:51

Ri wattunna battumo mange ri balla'na Yairus, tenamo Nakellai Isa tau maraenga antama' ri kamara'na anjo anaka, pantaranganna Petrus, Yohanes, Yakobus, siagang anrong-manggena anjo anaka.

2 KORINTUS 13:1

Iaminne makapintallungku battu angkunjungiko. Nia' tattulisi' lalang ri Kittaka angkanaya, “Punna nia' parkara musti nia' rua yareka tallu tau a'jari sa'bi nampa a'jari assa anjo parkaraya.”

2 PETRUS 1:16

Ri wattunna kipabattu mae ri kau antekamma mala'biri'na kabattuanNa Batarata Isa Almasi, tena nakituruki carita kosong battua ri rupataua. Anjo kala'biranNa Almasi mata kalennami ikambe le'ba' anciniki.

2 PETRUS 1:18

Kalenna ikambe allangngereki anjo sa'ra battua ri suruga ri wattunta nia' angngagangi rate ri anjo bulu' matangkasaka.