MATIUS 16:27 - KITTA' MATANGKASA'

²⁷ Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 16:27 ပူးပေါင်းရင်းမြစ်များ

AYUB 34:11

Nahukkungi taua situru' panggaukanna, Nagauki taua situru' gau'na.

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

PANGNGEBARANG 24:12

Akkulle jako angkana, “Anjo teai urusangku.” Mingka Najannangngiko Allata'ala. Naassengi siagang Naadeli pikkirannu. Nabalasaki rupataua situru' panggaukanna.

KATO'BA 3:17

Kupikkiriki angkana, laNaadeli Allata'ala tau bajika siagang tau kodia, nasaba' tunggala' passala' siagang tunggala' panggaukang, lakajariangi situru' wattu Napattantua Allata'ala.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

DANIEL 7:10

kammayatompa nia' pepe' a'lo'loro' battu ri anjo empoang kakaraenganga. Assa'bui tau allayani, siagang a'juta-jutai tau ammenteng ri dallekanNa. Nampa nipakaramulamo sidang pangadelanga, siagang nisungkemi kitta'-kittaka.

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

MATIUS 13:49

Kammaminjo sallang kajarianna ri Allo Kiamaka: labattui malaeka'-malaeka'Na Allata'ala ansa'laki sikontu tau ja'dalaka siagang tau anggaukangai ero'Na Allata'ala.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

MATIUS 26:64

Appialimi Isa Nakana, “Annaba mintu kanannu. Mingka patappa'mi angkanaya: Anne kamma appakkaramulami lanucini' Ana' Ma'rupataua ammempo ri sa'ri kananNa Allata'ala Kaminang Koasaya. Siagang lanucini' tommi sallang battu poleang irate ri langika ri tompo'na rammanga!”

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MARKUS 14:62

Appialimi Isa Nakana, “INakke minne, na lanuciniki sallang Ana' Ma'rupataua ammempo ri sa'ri kananNa Allata'ala Kaminang Makoasaya, siagang lanaung battu ri langika ri tompo'na rammanga!”

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

LUKAS 21:27

Iaminjo wattua Nalabattu Ana' Ma'rupataua lalang ri rammanga siagang kakoasang na kala'birang malompoNa.

LUKAS 22:69

Mingka appakkaramula ri kamma-kammaya anne lammempomi Ana' Ma'rupataua ri sa'ri kananNa Allata'ala Kaminang Koasaya.”

LUKAS 9:26

Inai-nai siri'-siri' angngakuiA' siagang antarimai pangngajarangKu, lasiri'-siri' tongi Ana' Ma'rupataua angngakui sallang punna battu siagang koasaNa, kammayatompa koasaNa ManggeNa siagang koasana malaeka'-malaeka' matangkasaka!

YOHANES 21:22

Appialimi Isa Nakana, “Ebara' angkana erokKa' natuli attallasa'na sa'gengKu battu poleang sallang, anjo teai urusannu. Mingka ikau, amminawang mako ri Nakke!”

YOHANES 21:23

Jari tassiara'mi anjo kabaraka ri ana'-ana' gurunNa ngaseng Isa, angkanaya talamateai anjo ana' gurua. Na sikontutojenna tena na Nakana Isa angkanaya talamateai anjo ana' gurua passangalinna Nakananaja: “Ebara' angkana erokKa' natuli attallasa' sa'gengKu battu, anjo teai urusannu.”

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

ROMA 14:12

Jari musti laniadeli ngasengki' ri Allata'ala, lanri sikontu panggaukanta.

ROMA 2:6

Nasaba' laNabalasaki Allata'ala mae ri taua situru' massing panggaukanna.

1 KORINTUS 15:23

Mingka la'massing-massingi wattunna taua nipattallasa' poleang: uru-uruna Almasi; le'baki anjo, punna battu poleang Almasi, nampa sikamma tau antamaya ri pa'rappunganna umma'Na Almasi.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

1 KORINTUS 8:8

Sikontutojenna teai anjo kanrea pila' ampakabajiki passisambunganta siagang Allata'ala. Punna nikanre anjo kanrea, tena apa-apa passawallang nigappa. Kammayatompa punna tanikanrea tena tonja apa-apa karugianta.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

EFESUS 6:8

U'rangi angkanaya, massing-massing rupataua, baji' na ata yareka natau bebasa', lannarima ngasengi pa'balasa' battu ri Batara situru' apa-apa baji' le'baka nagaukang.

KOLOSE 3:25

Na manna pole inai punna salai, lanatanggongi anjo sikamma kasalanna; nasaba' tena Nammile tau Batara.

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

YAKOBUS 5:7

Lanri kammana, sa'bara' ngasengko sari'battang, sa'genna battu Batara. Ciniki antekamma sa'bara'na palamung-lamunga antayangi wassele' lamung-lamung lompoa anggaranna mae ri ia. Sa'baraki antayangi wattu bosia siagang wattu pa'rapponna lamung-lamunna.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

YUDAS 1:14

Henokh, iamintu sossorang makatujua lapisi'na battu ri Adam, le'baki napau la'bi riolo pirangalloang ri passala'na ngaseng anne tau kammaya. Angkanai Henokh, “Ciniki sallang, labattui Batara siagang assa'bu-sa'bu malaeka' matangkasa'Na,

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.