MATIUS 16:23 - KITTA' MATANGKASA'

²³ Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 16:23 ပူးပေါင်းရင်းမြစ်များ

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

1 PATTOTTORANG 21:1

Eroki billisika ancilakai tu Israel; lanri kammana nanyonyo'mi Daud sollanna nasuro bilang taua.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

MATIUS 16:22

Nibeso'mi Isa ri Petrus mae ri sa'ri nampa nipauang angkana, “Tapporo Napakabella laloi Allata'ala ri Katte anjo kammaya, Batara! Poro tena lalo nakajariang anjo kammaya ri Katte Batara!”

MATIUS 18:7

Teai sipato' cilakana anne linoa lanri jaina passabakkang na'jari doraka rupataua. Mingka memang tuli lania'na anjo passabakkang kammaya. Mingka la'biangampa cilakana tau a'jari passabakkanga nadoraka paranna tau!

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MARKUS 8:33

Mingka assailemi Isa naNaciniki ngaseng ana'-ana' gurunNa. Nampa Nakalarroi Petrus Nakana, “A'lampako anrinni setang! Pikkirannu, pikkirang rupatau; teai pikkiranNa Allata'ala!”

LUKAS 4:8

Appialimi Isa Nakana, “Nia' tattulisi' lalang ri Kittaka angkanaya, ‘Parallui nusomba Karaeng Allata'alanu, siagang Iaji bawang siratang nupakala'biri'!’ ”

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

ROMA 14:21

Bajikangang teako angnganrei dageng yareka teako angnginungi anggoro' yareka teako anggaukangi apa-apa mamo, punna passabakkang ia anjo na'jari doraka sari'battang julu tappa'nu.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

KOLOSE 3:2

Pituju mangemi pikkirannu ri apa-apa niaka anjoreng; teako na ri apa-apa niaka ri linoa.