MATIUS 16:21 - KITTA' MATANGKASA'

²¹ Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 16:21 ပူးပေါင်းရင်းမြစ်များ

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

MATIUS 16:22

Nibeso'mi Isa ri Petrus mae ri sa'ri nampa nipauang angkana, “Tapporo Napakabella laloi Allata'ala ri Katte anjo kammaya, Batara! Poro tena lalo nakajariang anjo kammaya ri Katte Batara!”

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

MATIUS 17:12

Mingka Kukana ri kau ngaseng, battumi Elia mingka tena niassengi ri taua. Sangka' rupami nigaukangi ri ke'nanga. Na kammatommi anjo lanagaukangangi ke'nanga Ana' Ma'rupataua.”

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MATIUS 26:47

Lalang a'bicara kammana Isa, nia'mi battu Yudas, kalase'renna anjo ana' gurunNa sampuloa anrua. Nia'mo tau jai anrurungangi, massing angngerang pa'dang siagang palu-palu. Yangaseng minjo tau nasuroa kapa'-kapalana imanga siagang pingga'-pinggawana tu Yahudia.

MATIUS 27:12

Mingka ri wattunna jai sikali nituduangi ri imang-imang kapalaya siagang pamimping-pamimpinna tu Yahudia, tena sikali Naero' akkana Isa.

MATIUS 27:63

Na angkana ke'nanga, “Nau'rangi ikambe angkanaya ri wattu attallasa'na anjo patipua le'baki angkana, ‘Ri makatalluna alloa lattallasa' poleangA'.’

MATIUS 28:6

Mingka tenami anrinni. Nasaba' attallasa' poleammi situru' kananNa pirangalloang. Mae mako na nucini' le'ba' pammantanganNa.

MARKUS 8:31

Le'baki anjo, appakkaramulami Naajara' Isa ana'-ana' gurunNa angkanaya, musti jai passessa laNagappa Ana' Ma'rupataua. Siagang lanimusui ri pamimping-pamimpinga, ri imang-imang kapalaya, kammayatompa guru-guru agamaya. Lanibunoi, mingka ri makatalluna alloa lattallasa' poleangi.

MARKUS 9:12

Appialimi Isa Nakana, “Memang Elia battu la'bi riolo untu' ampasadiai yangaseng-ngasenna parallua. Mingka antekamma ia passala'na Ana' Ma'rupataua? Apa saba'na na tattulisi' lalang ri Kittaka angkanaya lajai sessa laNapisa'ringi siagang lanihinai ri taua?

LUKAS 17:25

Mingka uru-uruna musti jai sessa Nakasia' siagang tanitarimayai ri taua ri anne jammanga.

LUKAS 24:46

Nampa Nakana Isa ri ke'nanga, “Nia' tattulisi' lalang ri Kittaka angkanaya musti attallasa' poleangi Karaeng Mappasalamaka battu ri kamateanga, ri makatalluna alloa.